Xəbər lenti
Kəlbəcərdə ilk təhsil zəngi çalınıb
Sentyabrın 15-də işğaldan azad olunan Kəlbəcərdə tikilən ilk ümumi təhsil müəssisəsi olan Kəlbəcər rayonu Bəhmən Cəfərov adına 1 nömrəli tam orta ümumtəhsil məktəbinin şagirdləri üçün ilk təhsil zəngi çalınıb.
Bu barədə Şərqi Zəngəzur Regional Təhsil İdarəsindən məlumat verilib.
Bildirilib ki, Bilik günündə Prezidentin Kəlbəcər rayonunda xüsusi nümayəndəsi Bəşir Hacıyev, Şərqi Zəngəzur Regional Təhsil İdarəsinin müdiri Fuad Bədəlov, idarə və sektor əməkdaşları, məktəb kollektivi, şagirdlər, valideynlər və qonaqlar iştirak ediblər.
İlk dərs günü Dövlət Himninin səsləndirilməsi ilə başlayıb, daha sonra şəhidlərin xatirəsi bir dəqiqəlik sükutla yad edilib.
Tədbirdə iştirak edən Şərqi Zəngəzur Regional Təhsil İdarəsinin müdiri Fuad Bədəlov Kəlbəcərdə ilk təhsil müəssisəsinin fəaliyyətə başlaması, həmçinin yeni tədris ili münasibətilə şagirdləri və müəllimləri təbrik edib, onlara uğurlar arzulayıb, 2025-2026-cı tədris ilində qarşıda duran məsələlərdən danışıb. Sonra Prezidentin Kəlbəcər rayonu üzrə xüsusi nümayəndəsi Bəşir Hacıyev də çıxış edərək bu əlamətdar gün münasibətilə hər kəsi təbrik edib.
Tədbir bədii hissə ilə davam edib.
Daha sonra tədbir iştirakçıları yeni tikilmiş məktəbdə tədris prosesi ilə yaxından tanış olublar.
Qeyd edək ki, 2025-2026-cı tədris ilində Kəlbəcər rayonu 1 nömrəli tam orta ümumtəhsil məktəbində 43 şagirddən ibarət 11 sinif təşkil edilib və 14 müəllim burada tədris aparacaq.
Manevr.az
Xəbəri paylaş
Çox oxunanlar
Son yüklənənlər
.jpg)
Axtarış
Reklam
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar