11-ci siniflər direktora pul verib, məktəbə getmirlər - ŞOK FAKTLAR

"Bu gün 10-11-ci sinif şagirdlərinin əksəriyyəti məktəbə getmirlər. Səbəb isə onların hazırlığa getməsi ilə bağlıdır. Amma əsas iddia budur ki, onlar direktora pul verirlər hansı ki, bu da az məbləğ deyil. Məsələn, həftədə 2 dəfə dərsə getməməyin qiyməti 500 manat, həftədə 3 dəfə gəlmirsə 1000 manat və 2500 manata qədər qiymət var. Bu forma regionlarla paralel Bakı şəhərində də var. Xüsusilə qaçqın məktəblərində bu hal baş alıb gedir. 11-ci siniflərin çox az hissəsi dərsə qatılır". 
Manevr.az xəbər verir ki, bu sözləri Təhsil İşçilərinin Həmrəyliyi Alyansının (TİHA) sədri, təhsil eksperti Əmrah Həsənli deyib.
Məsələyə Bakı Şəhəri üzrə Təhsil İdarəsinin mətbuat katibi Bəşarət Məmmədov da fikir bildirərək deyib ki, davamiyyət məsələləri hər zaman gündəmdədir. İmtahana hazırlaşmaq və ya digər amillər heç bir əsas vermir ki, onlar məktəblərdən süni şəkildə uzaq qalsın. Təəssüf ki, bir çox hallarda bu ittihamların arxasında mənbə olmur. Anonim xarakterli daşıyır. Amma məktəblərdə davamlı şəkildə monitorinqlər aparılır.milli.az