Xəbər lenti
“Təhsil” Cəmiyyəti Laçın məktəbində görüş keçirib - FOTOLAR
Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Təhsil” Cəmiyyətinin “Məcburi köçkün məktəblərində elm və təhsilə marağın təşviq edilməsi” layihəsi çərçivəsində Abşeron rayonu ərazisində yerləşən Laçın rayon Çıraqlı kənd ümumtəhsil məktəbində görüş keçirilib.
Layihənin rəhbəri, “Təhsil” Cəmiyyətinin nümayəndəsi Taleh Şahməmmədli görüşü açaraq layihənin məqsəd və məramı barədə şagirdlərə məlumat verib və qonaqları görüş iştirakçılarına təqdim edib.
Təhsil üzrə tanınmış mütəxəssis, layihənin eksperti, fəlsəfə doktoru Etibar Əliyev məktəblilər və ümumiyyətlə gənclər arasında təhsilə və elmə marağın təşviq edilməsi baxımından belə tədbirlərin təşkil edilməsinin əhəmiyyətini qeyd edib. Bildirib ki, hər bir ölkənin inkişafı onun elminin və təhsilinin səviyyəsindən asılıdır: “Bizim məqsədimiz odur ki, siz yaxşı təhsil alasınız, bütün biliklərə dərindən yiyələnəsiniz və gələcəkdə ölkəmiz, cəmiyyətimiz üçün savadlı kadrlara çevriləsiniz”.
Layihənin digər eksperti, tanınmış jurnalist Seymur Verdizadə qeyd edib ki, belə görüşlərin məcburi köçkün məktəblərində keçirilməsi daha vacibdir. Onların buna daha çox ehtiyacları var. Bu baxımdan məcburi köçkün məktəblilərinin elmə və fasiləsiz təhsilə motivasiya edilməsi bizim hər birimizin üzərinə düşən məsuliyyətdir.
Tədbirdə iştirak edən “Moderator.az” saytının baş redaktoru Zülfüqar Hüseynzadə işğal edilmiş rayonların məktəblərində maddi-texniki təchizat baxımından çatışmazlıqların olduğunu vurğulayaraq bildirib ki, buna görə də məhz bu məktəblərin şagirdlərilə belə görüşlərin daha sıx keçirilməsi zəruridir.
Sonda məktəbin direktoru İlham Çıraqov tədbirin təşkil edilməsində əməyi keçənlərə təşəkkür edərək qonaqlara şagirdlərlə faydalı və məhsuldar söhbətlərinə görə minnətdarlığını bildirdi.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar