Xəbər lenti
"Daha süfrə bəzənmir, taleyin üzü dönüb" - ŞEİR
Fatimə Səhhətqızı Salyan rayonu anadan olub. Şeirləri müxtəlif mətbuat orqanlarında və ədəbi topluda dərc edilib.Manevr.az gənc müəllifin iki şeirini oxuculara təqdim edir və ona uğurlar diləyir! İnanırıq ki, Fatimə xanım axtarışlarını davam etdirəcək, daha yaxşı ədəbi nümunələr ortaya qoyacaqdı.
***
Kədərə büründü yaşıl bağça- bağ,
Ağacdan küsərək ayrıldı yarpaq,
Elə bil mənidə çağırdı torpaq,
Sən mənə xəyanət etdiyin zaman
Sanki qaranlığa büründü səhər,
Öldürdü günbəgün bax, məni qəhər,
Yalanlar qəlbimə tuşladı zəhər,
Sən mənə xəyanət etdiyin zaman
İllər ötsə belə, dəyişməz yalan,
Sən oldun qəlbimi dərdlərə salan.
Vicdanın dedimi etmə, bir dayan?
Sən mənə xəyanət etdiyin zaman
Uçurum
Gözləyirəm gəl yenə,
Aç qapını salamlaş.
Mən ölməmişəm deyib
Hər kəsi eylə çaşbaş.
Mən geyinim əynimə
Sənin aldığın donu.
Qayıt yenə evinə,
Bitsin həsrətin sonu.
Saçımı kəsdim bu gün,
Eləcə fikrə daldım.
Kəsilən saçlarımla
Otağımda ağladım.
Qaçıb gəldim yanına,
Qucağladım torpağı.
Qızın səni axtarır,
Niyə gəlmirsən axı?
Bişirdiyim xörəklər
Süfrədə buza dönüb.
Daha süfrə bəzənmir,
Taleyin üzü dönüb.
Fatimə Səhhətqızı
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar