.png)
Xəbər lenti
Putin azərbaycanlı biznesmenlərlə bağlı tapşırıq verdi
Rusiya prezidenti Vladimir Putin hökumətə və Federal Təhlükəsizlik Xidmətinə kölgə pul və mal dövriyyəsinin tənzimlənməsi üzrə tədbirlər planını hazırlamağı tapşırıb.
“İnterfaks”ın verdiyi məlumata görə, tapşırıq ilk növbədə azərbaycanlı milyarderlər Qod Nisanov və Zərah İliyevə məxsus “Sadovod”, “Food City” bazarlarına və “Moskva” yarmarka-ticarət kompleksinə aiddir.
Vladimir Putin Mərkəzi Bank rəhbəri Elvira Nabiullinadan məktub aldıqdan sonra belə bir addım atıb. Bu məktubda qanunsuz idxalın maliyyələşdirilməsinin və Rusiyanın nəhəng bazarlarının üzərindən maliyyə vəsaitlərinin xaricə çıxarılmasının təfərrüatı yer alıb. Bu cür qanunsuz idxalın olduğu bazarların dövriyyəsi aylıq 10 milyard rubldan az deyil.
Agentliyin məlumatına görə, Nabiullina məktubunda “Sadovod”, “Food City” bazarlarının və “Moskva” yarmarka-ticarət kompleksinin adlarını xüsusilə qeyd edib.
O da qeyd olunur ki, adıçəkilən ticarət nöqtələrində əməkdaşlar nəzarət-kassa texnikasından istifadə etmir, halbuki həmin texnika orada mövcuddur və vergi orqanlarında qeydiyyatdan keçib.
Xatırladaq ki, bir müddət öncə Rusiya polisi azərbaycanlı iş adamları – Qod Nisanov və Zərah İliyevə məxsus “Sadovod”, “Food City” bazarlarında və “Moskva” yarmarka-ticarət kompleksində profilaktika reydi keçirib.
Qod Nisanov oxu.az-a eksklüziv müsahibəsində bu məsələyə aydınlıq gətirib:
“Reydlər martın 11-də səhər saatlarında başlayıb, səbəbi mən deyiləm, Beloreçensk küçəsində travmatik silahlardan istifadə olunduğu, iki qafqazlı qrup arasında baş vermiş davadır. Üç azərbaycanlı saxlanılıb, onlara qarşı cinayət işi açılıb.
Həmin üç şəxs bizim ticarət meydançalarının icarədarları idilər. Bununla əlaqədar miqrasiya xidməti və hüquq-mühafizə orqanları “Moskva”, “Sadovod”, “Food city” ticarət mərkəzlərində yoxlamalar keçirib. Bu, normaldır.
Miqrasiya xidməti axtarış aparanda biz də öz növbəmizdə hüquq-mühafizə orqanlarına qanun-qaydaya riayət olunması məsələsində əlimizdən gələn yardımı göstəririk. Axtarışlar artıq üçüncü gündür ki davam edir, səhərlər aparılır. Obyektlərdə iş qrafiki bərpa olunub, fəaliyyətdə heç bir pozuntu yoxdur”.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar