_99.jpg)
Xəbər lenti
Xocalı soyqırımının ildönümü ərəfəsində ağacəkmə aksiyası keçirilib
Cəmiyyətin mədəni və sosial inkişafı yönündə dövlətimizin atdığı addımlara daha yaxından dəstək olmaq məqsədilə bir qrup Qeyri-Hökumət Təşkilatının birgə fəaliyyət platforması kimi yeni təsis olunmuş "A" QHT Klubu Xocalı soyqırımının 27-ci ildönümü münasibətilə ağacəkmə aksiyası keçirib.
Manevr.az xəbər verir ki, Azərbaycan Respublikası Ekologiya və Təbii Sərvətlər Nazirliyinin də dəstəklədiyi bu tədbir çərçivəsində soyqırım zamanı qətlə yetirilən 613 Xocalı sakininin xatirəsini əbədiləşdirmək üçün 613 agac əkilməsi nəzərdə tutulmuşdu. Aksiyada vətəndaş cəmiyyətinin müxtəlif sahələrinin nümayəndələrindən ibarət könüllülər- ziyalılar, juranlistlər, ali məktəb müəllimləri, BDU-nun SABAH qrupu tələbələri, Bakı İstanbul liseyinin müəllim- şagird kollektivi və valideynlər, ictimai fəallar, KİV nümayəndələri, müharibə veteranları iştirak edirdilər. Bakı-Şamaxı yolunun 58-ci km-də, Qobustan rayonu Cəngi ərazisində baş tutan ağacəkmə tədbirinin işçi prosesinə Azərbaycan Respublikası Ekologiya və Təbii Sərvətlər Naziriyinin əməkdaşları Ramik Əşrəfov və Söhrab Abbasov rəhbərlik ediblər. Qobustan rayon İcra başçısı Adil Məmmədovun da tədbir iştirakçıları - könüllülərlə birgə ağac əkməsi onun da bu çağırışa səs verdiyini nümayiş etdirdi.
Aksiya könüllülər tərəfindən böyük həvəs və yüksək mütəşəkkilliklə həyata keçmişdir. Qeyd edək ki, "A" QHT klubunun təsisçiləri Mirzə Ələkbər Sabir Fondunun prezidenti, Sevda Tahirli (klubun rəhbəri), "Biosfer" İB -nin sədri Qorxmaz İbrahimli, Vətəndaşların Sosial Rifahı naminə İB-nin sədri İradə Rizazadə,"Turan" İstedadlar Birliyinin sədri Ceyhun Hacıbəyov, Azərbaycan Hemofiliyalı Xəstələr Assosiasiyasının sədri Gülnarə Hüseynova, Azərbaycanlıların və digər Türkdilli Xalqların Əməkdaşlıq Mərkəzinin icra katibi İlqar İlkin, "Gənc mühasiblər" İctimai Birliyinin sədri Solmaz Əliyeva, Azərbaycan Jurnalsit Qadınlar Assosiasiyasının rəhbəri Sevil Yusifovadır.
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar