Nərmin Şahmarzadə adlı psixoloq olduğu bildirilən gənc qızın Milli Qəhrəman Mübariz İbrahimovla bağlı yaydığı fikirlərə bir sıra tanınmış şəxslər də reaksiya verib.

Manevr.az xəbər verir ki, onlar bu barədə sosial şəbəkələrdə qeyd ediblər.

Əməkdar artist Aybəniz Haşımova: “Kaş ki, bircə gecə şəhid anasının yerinə övladının məzarını yataq bilib yataydın. Kaş ki, şəhid anasının yerinə balanın geyimlərini bağrına basıb qoxusunu geyimlərdən alaydın, məzarında saatlarla bitməyən gözyaşlarına sarılardın. Heç bilirsiniz o necə dərddir? Bilsəydiniz, reklamınız üçün şəhid qanına bulaşmazdınız, Nərmin. Siz artıq o ada layiq deyilsiniz. Adınızı da ruhunuz kimi satın! Şəhidlər sizlərin azad, firavan yaşamağınız üçün öz xoşbəxtliyindən keçən, Vətən uğrunda körpə balalarını yetim qoyan, hələ gənc yaşlarından qəbir evinə gedənlərdir. Siz tək Mübarizə yox, bütün şəhid vermiş ailələrin, ana-bacıların qaysaq bağlamış yarasını qopartdınız, onlara sataşdınız. Deyirsiniz ki, Azərbaycanda kişi yoxdur. Bəs atanız kimdir, kişi deyil? Bəsdirin, özünüzü yığışdırın! Erməni itinin mənim torpağımda nə işi var idi ki? Mübariz kiminsə torpağında qan tökməyib, bizim torpağa soxulanların cəzasını verib. Onun əllərinə ruhuna qurban olum”.

Əməkdar artist Nüşabə Ələsgərli: ”Öz xalqının yolunda ən şirin nemət olan canından keçən qəhrəman. Dostu, xalqının uşağı və qocası gözü qabağında vəhşicəsinə öldürülən insan sənin kimi edər. Onu da hər kəs bacarmaz. Əbədi ürəyimizdəsən”.

Əməkdar artist Nuriyyə Hüseynova: “Qəhrəman, mərd, qeyrət, şərəf simvolu şəhidim. Məkanın cənnət, ruhun şad olsun! Sözünü, özünü bilməyənlərə ar olsun!”

Müğənni Rəqsanə: “Vətən uğrunda canını qurban verən şəhidlərimizə allah rəhmət etsin. Bu oğullarımız bizim xalqımızın rahat yatması üçün canlarından keçib. Mübariz İbrahimov adı bütün dünyaya səs saldı. Bu gün hansısa danışığını bilməyən tərbiyəsiz ifadələr işlədir, erməni dığasını özünə düşmən saymır. Onda bu torpaqda nə qələt edirsən? Rədd ol get dığaların ölkəsində yaşa! Belələrinin dilini dibindən çıxarmaq lazımdır. Bir də kimsə belə qələt etməsin. Görün başımıza hansı oyunlar gəlib, nə qədər insan əsir düşüb, bacı-qardaşlarımız, körpələrimiz şəhid olub. Necə bunlara düşmən deməyək? O xanımın bizim şəhidimizin adına işlətdiyi söz bağışlanılmazdır. Allah Mübariz qardaşımıza rəhmət etsin. Bütün vətən uğrunda canından keçən şəhidlərimizin ruhu qarşısında baş əyirəm”.

Şair Cəlal Qurbanov (Xocalıda vəhşicəsinə qətlə yetirənlərin fotosunu paylaşıb): “Bu fotoya diqqətlə bax! 26 fevral 1992-ci il. Dünya hələ də bu soyqırıma və haqsızlığa göz yumur. Sənin günahsız adlandırdığın erməni əsgərinin ayağının altında günahsız körpə və Azərbaycan balasının qanı var. Bu özü psix olan "psixoloqun" görüntüsü və danışdığı absurd və məntiqsiz şərhlər əvəzinə, illərdir işğal altda olan torpaqlarımızı paylaşaq. Ermənilərin bizə qarşı törətdiyi soyqırımını paylaşaq. Günahsız Zəhraları paylaşaq... Bu qız adı bizdən olan, qanı bizdən olmayan, bu vətəndə doğulub, böyüyüb, amma millətinə nankor, dönük və satqın çıxan xaindir. Bu nankor və satqın qız deyir ki, erməni mənim düşmənim deyil və Mübariz İbrahimov döyüş zamanı olmadan, günahsız erməni əsgərlərini öldürüb. Ay bədbaxt psixoloq, o günahsız adlandırdığın ermənilərin, Xocalımızda bir gecənin içərisində, dinc əhaliyə qarşı törətdikləri soyqırıma, gecə şirin- şirin beşiyində uyuyan məsum körpə balaların, anaların, qızların, gəlinlərin başlarına açdığı vəhşilik və qətliama bəs nə ad qoymusan? Sənin qəhraman hesab etmədiyin Mübariz ürəyində olan vətən sevgisindən, yaddaşından silinməyən və gözlərinin önündə hər an canlanan o günahsız körpə balaların, anaların, bacıların, hamilə qadınların namusunu- qeyrətini, nahaq axan qanlarını yerdə qoymamaq üçün, bir alayın edə bilməyəcəyini təkbaşına bir neçə saatın içində edib və qəhrəmancasına şəhid olub. Bütün media işçilərinə, saytlara, bu qızın şəklini İnstaqram və Feysbuk səhifələrində paylaşan bacı və qardaşlarıma üzümü tutaraq, dönə-dönə xahiş edirəm. Bu qanı bizdən olmayan qızın şəklini, şərhini və hər hansı bir yazısını paylaşmayın. Artıq ermənilər bu paylaşımlarda öz şərhlərini yazaraq, bu satqın azərbaycanlını ermənipərəst “qəhraman” adlanadıraraq, ona dəstək göstərirlər. Kaş ki, həmin gecə Xocalıda qeyrətli, namuslu ana və bacılarımızın, hamilə qadınların yerinə, sənə erməni qanı bəxş edən anan olardı. Onda sən bu cür danışmazdın!”

Elza Seyidcahan və Sevil-Sevinc bacıları da Cəlal Qurbanovun yazdıqlarını paylaşaraq ona dəstək veriblər./kult.az

Manevr.az