_99.jpg)
Xəbər lenti
Müəllimdən məktəb direktoruna qarşı inanılmaz iddia
Cəlilabad rayon Sarxanlı kənd ümumi orta məktəbinin müəllimi Elnur Qasımov ilə məktəb direktoru Camal Bəşirov arasdında qalmaqal baş verib.
Bu barədə bizimyol.info-ya Elnur Qasımov bildirib.
“Biləsuvar rayon sakiniyəm. 2011-ci ildən bu təhsil müəssisəsinə təyinat aldım. Həmin ildən burada müəllim işləyirəm. Hər il aybaay maaş alanda 20-30 manat direktor Camal Bəşirova verirdim. Bu il sentyabr ayında 30 manat verib direktora dedim ki daha sənə il boyu pul vermiyəcəm. Çünki dolana bilmirəm. Direktor mənim sinf rəhbərliymi əlimdən aldı”,-deyə müəllim deyib.
O, bununla bağlı Cəlilabad rayon Təsil Şöbəsinə müraciət etdiyini bildirdi: “Müxtəlif günlərdə 5 dəfə Təhsil Şöbəsinin müdirinin qəbulunda oldum. Hər dəfə də mənim başımı xoş sözlərlə qatıb dedilər ki, get məktəbə biz həll edəcəyik. Hər dəfə də şikayətə edəndə müdir mənə “bir-birinizlə yola gedin, anlaşın” dedi.
Oktyabrın son günlərində direktor mənə “özbaşına deyiləm, pul verməlisən ki mən də sinif rəhbərliyini sənə yazdım” dedi. Mən ona əmək haqqı kartımı verdim. Bir neçə gündən sonra Təhsil Şöbəsinə zəng etdim. Məlum oldu ki sinifə dərs keçsəm də, mənim adım sinif rəhbəri kimi rəsmiləşdirilməyib. Mən də dərs jurnalını yazmadım. Nəticədə direktor əmək haqqımdan 250 manat götürüb, 150 manatı mənə verdi”.
Elnur Qasımov sözlərinə görə, ondan jurnalı yazacağı halda əvvəlki vəzifəsini ona qaytaracaqlarını vəd ediblər: “Jurnalları yazmıram. Mənim mənimsənilən 250 manatım qaytarılmasını tələb edirəm. Direktor Camal Bəşirov məni məktəbə buraxmır. Dərs keçdiyim şagirdləri sinifdən çıxardır. Şagirdlərə deyir ki məni işdən çıxardıb. Məni hər kəsin yanında təhqir edir, ləyaqətimi alçaldır. Məni noyabr ayının 5-indən məktəbə buraxmır”.
Məsələ ilə bağlı Təhsil Nazirliyindən bizimyol.info-ya bildirilib ki, Cəlilabad Rayon Təhsil Şöbəsindən verilən məlumata görə, rayonun Sərxanlı kənd ümumi orta məktəbinin pedaqoji orta təhsilli ingilis dili müəllimi Elnur Qasımov müraciət edərək məktəbin direktoru səlahiyyətlərini icra edən Camal Bəşirovdan narazılığını bildirib, əmək haqqının az olduğunu, ona sinif rəhbərliyi verilmədiyini qeyd edib.
“Müraciət araşdırılıb, məktəbin direktoru və şikayətçi ilə söhbət aparılıb. Məlum olub ki, məktəbdə olan 23 saat xarici dil dərsinin hamısı Elnur Qasımova verilib. Məktəbdə ali təhsilli müəllimlər çoxluq təşkil etdiyi üçün Elnur Qasımova sinif rəhbərliyi verilməyib. Buna baxmayaraq, araşdırma zamanı şikayətçinin xahişi ilə ona əlavə olaraq 2 saat dərnək məşğələsi verilib”,-deyə nazirlikdən bildirilib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar