.png)
Xəbər lenti
Azərbaycanda polis jurnalisti sillələyib? - DİN-dən cavab
Jurnalist Aytac Əhmədova polis zorakılığına məruz qaldığını iddia edir.
Manevr.az azxeber.com-a istinadən xəbər verir ki, bu barədə jurnalist sosial şəbəkədə paylaşım edib. O, Zabratda sakinlərin mənzil şəraitinə etiraz olaraq yolu bağladıqlarına görə çəkiliş etdiyi vaxt polis tərəfindən saxlanıldığını, zorla maşına mindirilərək Sabunçu Rayon Polis İdarəsinin 15-ci Polis Bölməsinə aparıldığını qeyd edib.
A.Əhmədova iddia edir ki, bölmənin dəhlizində olan Qabil adlı polis əməkdaşı onu şillələyib, daha sonra isə təhdid edib. Jurnalist həmin şəxsin mülki geyimdə olduğunu deyib.
Daha sonra bölmənin rəisi İsmayıl Məmmədovun yanına aparıldığını qeyd edən jurnalist izahatında polis zorakılığına məruz qaldığını yazıb.
Daxili İşlər Nazirliyi (DİN) Aytac Əhmədovanın iddialarına cavab verib.
Nazirliyin Mətbuat xidmətinin rəis müavini, polis polkovniki Orxan Mansurzadə "report”un sorğusuna cavabında bildirib ki, adıçəkilən xanımın polis əməkdaşları tərəfindən təzyiqə məruz qalması barədə iddiaları həqiqətdən uzaqdır:
"Dünən saat 19 radələrində bir qrup şəxs Zabrat qəsəbəsində nəqliyyatın hərəkətinin intensiv olduğu ərazidə yolu bağlamağa və ictimai asayişi pozmağa cəhd göstərən zaman sözügedən xanım həmin şəxslərin qanunsuz hərəkətlərinin qarşısını alan polis əməkdaşlarının qanuni xidməti vəzifələrini yerinə yetirmələrinə maneçilik törədib. Həmin xanım saxlanılaraq sonrakı araşdırmalar üçün Sabunçu Rayon Polis İdarəsinin 15-ci Polis Bölməsinə aparılıb. Burada şəxsiyyəti müəyyənləşdikdən sonra bölmə rəisi tərəfindən onunla müvafiq profilaktiki söhbət aparılıb və sonra sərbəst buraxılıb. İstər saxlanılarkən, istərsə də bölmədə ona qarşı hər hansı təzyiq göstərilməsindən söhbət gedə bilməz.”
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar