_99.jpg)
Xəbər lenti
"Kino çəkilməmiş Nazirlik gəlib 300 min manat ƏDV tutur"- Deputatdan Nazirliyə irad
Millət vəkili Fazil Mustafa Qarabağda güllələnmiş heykəllər və Bakıda sökülən binalarda yerləşən ev muzeylərinin taleyi ilə bağlı məsələyə toxunub.
Manevr.az xəbər verir ki, millət vəkili parlamentin payız sessiyasının ilk plenar iclasında çıxışı zamanı bildirib ki, Azərbaycanın Qarabağdan olan korifey sənətkarlarının ermənilər tərəfindən güllənmiş heykəlləri bu gün lazımsız bir əşya kimə kənara atılıb:
“Amma biz bunları xaricdən gələn insanlara göstərə bilərik, ermənilərin əməllərini bir daha ifşa etmiş olaraq. Yaxşı olardı ki, onları Milli Dənizkənarı Bulvarda bir yerdə toplayaq və nümayiş etdirək. Həmçinin, dahi insanlarımızın ev muzeyləri məsələsi də narahatlıq doğurur. Çünki onların çoxu sökülən binalarda yerləşir və sonrakı talelərindən xəbər olmur”.
Millət vəkili həmçinin, musiqi məktəbləri, kitabxanlarla bağlı məsələnin ciddi problem olduğunu deyib.
Millət vəkilinin fikirləri deputat həmkarı Aqil Abbas tərəfindən də dəstəklənib.
O, eyni zamanda, Şuşa Şəhər Mədəniyyət İdarəsinin ləğv edildiyini, 270 nəfərin işdən azad olunduğunu, İdarənin isə Sumqayıt Regional Mədəniyyət İdarəsinə birləşdirildiyini deyib:
“Bu qədər adam işsiz qalıb. Elə Sumqayıtı Şuşaya birləşdirərdilər də, nolardı ki?!
Bu günlərdə eyni zamanda ermənilər Xankəndinin Stepanakert adlandırılmasının 95 illik yubileyini təntənəli qeyd etdilər. Heç Xankəndi də onlara aid deyil…Amma bu gün Qarabağ xanlığının yaranmasının 270 illiyidir, nə telekanallarda bu barədə danışlır, nə də Tarix İnstututu tədbir keçirib”.
Millət vəkili həmçinin Vergilər Nazirliyinə iradını bildirib: “Dövlət kino çəkmək üçün pul ayırır. Amma kino çəkilməmiş Nazirlik gəlib 300 min manat Əlavə Dəyər Vergisi (ƏDV) tutur. Qoy bir çəkilsin, qurtarsın, pul qazanılsın, tutarsız da”.(qafqazinfo)
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar