.png)
Xəbər lenti
Ünvanlı sosial yardımın verilmə qaydası dəyişdirilir
Ünvanlı dövlət sosial yardımının alınması üşün müraciət edilməsi, onun təyin olunması, verilməsi və verilməsindən imtina edilməsi sisteminin təkmilləşdirilməsi haqqında Əmək və Əhalinin Sosial Müdafiəsi Nazirliyinin (ƏƏSMN) 2018-ci il 30 aprel tarixli əmri ilə İşçi qrup yaradılıb.
Bu barədə Modern.az-ın sorğusuna cavab olaraq nazirliyin İctimaiyyətlə əlaqələr şöbəsinin müdiri Fazil Talıbov bildirib.
O qeyd edib ki, İşçi qrup tərəfindən sistemin təkmilləşdirilməsi üçün qısamüddətli və ortamüddətli addımlar müəyyən edilib:
"Qısamüddətli addımlar kimi ünvanlı sosial yardım üçün müraciətlərin 15 gün ərzində araşdırılaraq cavablandırılması müəyyən edilib, müraciət edən ailələrin maddi-məişət şəraitinin müayinəsi zamanı adıçəkilən Nazirliyin yerli qurumlarının rəhbər şəxslərinin iştirakı üçün göstəriş verilib, elektron sistemlə müraciət zamanı vətəndaşlardan tələb olunan məlumatların minimuma endirilməsi üçün 10 dövlət qurumuna mövcud elektron-məlumat bazalarından istifadə etmək üçün müraciətlər ünvanlanıb".
Şöbə müdiri qeyd edib ki, tezliklə müraciətlərin doldurulması qaydalarının sadələşdirilməsi nəzərdə tutulub:
"Orta müddətli addımlar kimi, ünvanlı sosial yardım alan ailələrin tərkibi və gəlirləri təhlil edilərək, özlərindən asılı olmayan səbəblərdən (əmək qabiliyyətli ailə üzvünün olmaması, ailələrdə xüsusi qayğıya ehtiyacı olan azyaşlı uşaq, əlil və yaxud ahıllara xidmət göstərdikləri üçün işləmək imkanı olmayan əmək qabiliyyətli ailə üzvlərinin olması) aztəminatlı olan ailələrin və tərkibində işləyən, lakin az əmək haqqı alan, mövsümi işlərdə çalışan ailə üzvləri olan ailələrin müəyyənləşdirilməsinə başlanılıb.
Təhlillərin nəticəsi olaraq, "Ünvanlı dövlət sosial yardımı haqqında" Qanuna dəyişikliklərin edilməsi yolu ilə sosial cəhətdən həssas ailə üzvləri olan ailələr üçün ünvanlı sosial yardımların əlçatan olması, tərkibində əmək qabiliyyətli, işləməyə hazır üzvləri olan ailələrin dövlətin dəstəyi ilə özünüməşğulluğa cəlb edilməsi nəzərdə tutulur. Eyni zamanda, "Məşğulluq haqqında" Azərbaycan Respublikasının 2018-ci il 29 iyun 1196-VQ nömrəli Qanununa əsasən işsiz şəxslərin özünüməşğulluğunun təşkili zamanı ünvanlı dövlət sosial yardımı alan şəxslərə üstünlük verilməsi müəyyən edilib. Bununla da, ünvalı dövlət sosial yardımı alan aztəminatlı ailələrin özünüməşğulluğa cəlb edilməsi üçün hüquqi əsas yaradılıb".
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar