_99.jpg)
Xəbər lenti
Azərbaycanda özünü yandırdığı deyilən universitet müəllimi barədə YENİ MƏLUMAT
Samuxda keçmiş universitet müəlliminin özünü yandırmasının təfərrüatları məlum olub.
İnterpress.az-ın Samux rayon Təhsil Şöbəsindən əldə etdiyi məlumata görə, rayonun Qovlarsarı kənd sakini 1941-ci il təvəllüdlü Həsən Qəzənfər oğlu Yusifovun ehtiyyatsızlıqdan həyətdə yandırılan ocağın üzərinə düşdüyü məlum olub.
Belə ki, 77 yaşlı müəllim yaşadığı evin həyətində küstar üsulla düzəldilmiş hovuzun suyunu qızdırmaq üçün odun parçalarından ibarət ocağı yandırıb. Amma alovun qəflətən güclənməsi H.Yusifovun yanması ilə nəticələnib.
O, yanğının çoxaldığını görüb özünü hovuzun içərisinə atıb. Bu zaman o, yanıqla birlikdə müxtəlif bədən xəsarətləri də alıb. Hadisə baş verən zaman onun spirtli içki qəbul etdiyi bildirilir.
H.Yusifovun köməyinə gələn qonşular tərəfindən o, dərhal Samux rayon 3 nömrəli xəstəxanaya yerləşdirilib.
Xəstəxanadan onun vəziyyətinin ağır olduğu bildirilib. Ona görə də, H.Yusifov yaxın saatlarda paytaxt Bakıya göndəriləcək.
Qeyd edək ki, H.Yusifov kənd təsərrüfatı üzrə elmlər namizədidir. O, Gəncə şəhərində yerləşən Azərbaycan Dövlət Aqrar Universitetinin müəllimi olub. İki oğlu, iki qızı var. Həyat yoldaşı Gəncədə, övladları isə Rusiya Federasiyasında yaşadığından o, Qovlarsarı kəndindəki evində tək yaşayır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar