.png)
Xəbər lenti
"...Qızların hicab geyinməsinə yol vermək olmaz "- Millət vəkilindən TƏKLİF
“Son günlər ölkəmizdəki hadisələrin nə üçün baş verdiyi üzərində ciddi düşünməliyik. Bu cür terrorun arxasında böyük qüvvələr durur, gülləni atan şəxslər sadəcə fiqurdur”.
Manevr.az-ın xəbərinə görə, bu sözləri millət vəkili Fazil Mustafa “Media: dini radikalizmlə mübarizə” adlı tədbirdə deyib.
Deputat bildirib ki, bu hadisələr Azərbaycan üzərində oynanan geosiyasi oyunun yekunudur:
“Bu hadisələrin baş verməsi ölkəmizin dünyada söz sahibi olmasının doğurduğu narahatlığın nəticəsidir. Hansı məzhəbə aid olmasından asılı olmayaraq bu hadisələrdə nə üçün dindən istifadə edilməsi üzərində düşünməliyik. Bu gün onsuz da biz Ermənistanla müharibə şəraitindəyik. Onlar da çalışacaqlar ki, bu qüvvələrdən istifadə etsinlər”.
Millət vəkili dövlətin dinə yanaşmasının dəyişməli olduğunu bildirib:
“Azərbaycan müstəqil olana qədər ənənəvi islam var idi. Biz artıq müstəqil dövlətik və dinə yanaşmamız tam fərqli olmalıdır. Dini əhaliyə tanıtmalıyıq. Yaşı 14-dən az olan qızların hicab geyinməsinə yol vermək olmaz. Azərbaycan dövlətinin tanıdığı bir neçə hicab forması olmalıdır. Ölkəyə gələn turist özünün istədiyi hicab formasını geyinə bilər. Lakin vətəndaşlar üçün bir qayda olmalıdır. Türkiyə, İran və Ərəb ölkələrində geyinilən, insanlarda xof yaradan hicab formasının ölkəmizdə geyinilməsinə icazə verilməməlidir. Cəhalətə yol veriləcək məqamlardan əhalini uzaqlaşdırmalıyıq”.
Millət vəkili mediada islam dəyərlərinin təbliğindən də danışıb:
“Ramazan ayı boyunda Azərbaycan televiziyaların heç birində maarifləndirici veriliş yayımlanmadı. Sonra da deyirik, nə üçün Türkiyə, İranın təsiri altına düşürük. Yerli din adamlarını efirə çıxarmaq lazımdır ki, onlar İslamı izah etsinlər. Zorakılığı təbliğ edən dini ayinlərlə bağlı təkcə dövlət deyil, cəmiyyət mübarizə aparmalıdır. Bir şəhərimizdə baş verən hadisə ölkənin iqtisadi imkanına nə qədər zərər vurduğunu müşahidə etdik. Səmimi şəkildə dindarlarla dialoqa getmək lazımdır. Xarici din adamlarından alınan mesajlar ölkəmizin təhlükəsizliyi üçün ciddi təhdiddir. Bu məsələnin ciddi tərəfləri olduğunu qəbul etməliyik”.publika.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar