Sabiq prokuror qızının səyahət fırıldaqları - DƏLƏDUZLUQ » Manevr.az
Sizin Reklam Burada
Xəbər lenti
17 avqust
16 avqust
BÜTÜN XƏBƏRLƏR

Sabiq prokuror qızının səyahət fırıldaqları - DƏLƏDUZLUQ

Tarix: 12-07-2018 12:59     Baxış: 371 A- / A+
Sabiq prokuror qızının səyahət fırıldaqları - DƏLƏDUZLUQ


Bakıda bir neçə nəfəri səyahətə göndərmək adı ilə dələduzluqda təqsirləndirilən 1981-ci il təvəllüdlü Günel Şıxıyevanın cinayət işi üzrə məhkəmə prosesi davam edir.

Manevr.az-ın məlumatına görə, Bakı Ağır Cinayətlər Məhkəməsində hakim Mahmud Ağalarovun sədrliyi ilə keçirilən prosesdə zərərçəkmiş şəxs qismində dindirilən Nailə Hüseynova ifadəsində bildirib ki, Sinqapura səyahət üçün G.Şıxıyevaya pul verib: “Ucuz qiymətə səyahət təklif etməsi diqqətimi cəlb elədi, pulu verdim, amma biletləri ala bilmədim”.

Prosesdə zərərçəkmiş "Start travel" turizm şirkətinin təsisçisi və direktoru A.D. da ifadə verib. O, qeyd edib ki, G.Şıxıyeva rəhbərlik etdiyi şirkətə gələrək onunla əməkdaşlıq etmək istəyib .

“Müştəri bazası da var idi. Şirkətə müştərilər də cəlb edirdi. Əvvəlcə nağd işləyirdik. Sonra biletləri sifariş verdikdən sonra ödənişləri etməməyə başladı. Bu problemlər isə həmin ərəfədə yay aylarında, müştərilərin çox olduğu ərəfədə baş verdi. Ödənişləri etmədi, mən dəfələrlə ona zəng edib səbəbini soruşdum. Müxtəlif bəhanələr gətirdi. Atası Oqtay müəllimlə görüşdüm. Keçmiş prokurorluq əməkdaşıdır. O, mənim və zərərçəkmiş Kəmalə xanımın pulunu verəcəyini dedi. Əvvəlcə 5 min dollar ödədi. Dedi ki, obyekti var, oradan aldığı pulla borcları ödəyəcək. Amma sonradan ödəmədi”.

Şirkət rəhbərinin sözlərinə, G.Şıxıyeva onu aldadarkən müştəriləri şirkətə yönləndirib: “Bizə ən çox zərər həmin ərəfədə dəydi. 2-3 ay çox əziyyət çəkdik. Biz müştəriləri inandıra bilmirdik ki, dələduzluq etməmişik. Günel aldatdığı şəxslərə deyib ki, biletləri, sənədləri şirkətdədir”.

Şirkət rəhbəri G.Şıxıyevanın fəaliyyəti haqda əlavə olaraq bildirib ki, ümumilikdə şirkətə 53 min 700 manat zərər dəyib.

Digər zərərçəkmiş Mehriban Əliyeva bildirib ki, Günelin tanışı olan Kamran Əhmədovla işgüzar münasibəti olub:

“Onların arasında sevgi münasibəti vardı. Bu səbəbdən Güneli tanımışam. Sinqapura səyahət üçün Günelə 667 dollar pul vermişəm. Amma məni aldatdı. Bilet işində də eyni vəziyyət oldu. Mən işlə bağlı səfərə gedəcəkdim. Məni bu gün-sabah edərək aldatdı. Min nömrəsi var idi. Birinə zəng edirdin, söndürürdü. Digərinə zəng edirdin, onu da söndürürdü. Axırda Kamrana zəng elədim. Uzun zaman sonra Kamran vasitəsi ilə bilet üçün verdiyim pulu 80 manat ziyanla ala bildim. Günel xanım bizə mənəvi olaraq çox əzab verib. Mən öz işimdə 3 manatlıq işə belə qəbz tələb edən adamam. Amma Kamrana elə inanırdım ki, aldandım. Günel dəfələrlə pulu qaytaracağını deyib. Zəng edəndə görüş təyin edirdi. Dediyi yerə getsəm də gəlmirdi. Sonra mən onu, o məni hədələməyə başladıq. Mənə deyirdi ki, arxam güclüdür, heç nə edə bilməzlər. Bu sözləri bütün zərərçəkmişlərə deyib”.

Məhkəmədə zərərçəkmiş Azər Əliyev də ifadə verib. O, Bakıda fəaliyyət göstərən turizm şirkətlərindən birinin rəhbəri olduğunu söyləyib.

Azər Əliyev 7999 manat zərər gördüyünü və pulunu tələb etdiyini bildirib.

Qeyd edək ki, təqsirləndirilən Günel Şıxıyeva ali təhsillidir. Ailəli olub, azyaşlı uşağı var. O, bir çox şəxsin etibarında sui-istifadə edərək, külli miqdarda dələduzluq etməkdə təqsirləndirilir. /lent.az

Manevr.az








Adınız:*
E-Mail:
Şərhiniz:
Qalın mətn Maili mətn Vurğulanmış mətn Silinmiş mətn | Sol kənar üzrə düzləşdir Mərkəz üzrə düzləşdir Sağ kənar üzrə düzləşdir | Təbəssümlərin əlavə edilməsi Renk Seç | Gizli mətn Sitatın əlavə edilməsi Seçilmiş mətni kiril əlifbası transliterasiya ilə dəyişdir Spoiler Ekle
Sorğuya cavab yazın:
Saytımızın adının yazın
Cavabınız:*
Kodu yazın: *



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Avqust 2018    »
BeÇaÇCaCŞB
 12345
6789101112
13141516171819
20212223242526
2728293031 
Sorğu


Portalımızı dəyərləndirin.
Çox gözəl portaldı
Yaxşı portaldı
Yaxşıdı ...anma...
Yaxşı ola bilər
Xoşlamadım



Çox oxunanlar