Elman Rüstəmov bu qədər maaş alacaq

Prezident İlham Əliyevin fərmanı ilə Milli Məclis sədrinin müşaviri, sədrin köməkçisi, Baş nazirin köməkçisi və müşavirinin maaşları təsdiqlənib.
Manevr.az xəbər verir ki, fərmana əsasən, Baş nazirin müşaviri Elman Rüstəmov 2425 manat maaş alacaq. 
Qeyd edək ki, Elman Rüstəmov 1952-ci ildə Cəbrayıl rayonunda anadan olub. O, 1992-ci ilin dekabrında Milli Bankın İdarə Heyəti sədrinin birinci müavini vəzifəsinə, 1995-ci ilin yanvarında İdarə Heyətinin sədri vəzifəsinə təyin edilib.
Elman Rüstəmov 28 aprel 2000-ci il tarixində, 11 aprel 2005-ci il tarixində, 6 aprel 2010-cu il tarixində, 9 aprel 2015-ci il tarixində və 16 aprel 2020-ci ildə yenidən 5 il müddətinə Mərkəzi Bankın İdarə Heyətinin üzvlüyünə və sədri vəzifəsinə təyin olunub.
O, 11 aprel 2022-ci ildə  Mərkəzi Bankın İdarə Heyəti üzvlüyündən xaric edilib. Baş nazir Əli Əsədovun 13 aprel 2022-ci il tarixli sərəncamı ilə Elman Rüstəmov baş nazirin müşaviri vəzifəsinə təyin olunub.
Ailəlidir. 3 övladı var. (Modern.az)