Xəbər lenti
Hacıqabul rayon Muğan qəsəbə tam orta məktəbində icma əsaslı sinif fəaliyyət göstərir -FOTOLAR
Hacıqabul rayonunun Muğan qəsəbəsində erkən təhsildən kənarda qalan azyaşlılar üçün icma əsaslı sinif təşkil olunub. Bu barədə Hacıqabul rayon Muğan qəsəbə tam orta məktəbin müəllimi, layihə rəhbəri Sara Şirinova məlumat verib. Bildirib ki, layihə Azərbaycan Respublikası Elm və Təhsil Nazirliyinin tərəfindən "2024-2025 ci tədris ilində İcma əsaslı məktəbəqədər təhsil xidmətlərinin təşkili" qrant müsabiqəsi çərçivəsində həyatda keçirilir. Layihə daha interaktiv və inklüziv təhsil imkanları təqdim etməyi hədəfləyir. Əsas məqsəd Hacıqabul rayonunda məktəbəqədər təhsilə əlçatanlığın artırılması, məktəbəqədər təhsilin inkişafı və təhsildə valideynin birgə iştirakını təmin etməklə keyfiyyətli təhsil xidmətlərinin həyata keçirilməsi, həmçinin uşaqların akademik uğurlarını və sosial bacarıqlarını yüksəltməkdən ibarətdir. Layihə rəhbəri həmçinin qeyd edib ki, "İcma əsaslı siniflər vasitəsilə müəllimlər, valideynlər və yerli icma nümayəndələri birlikdə çalışaraq uşaqların daha yaxşı təhsil almasına töhfə verirlər." Bu yeni tədris modelinin tətbiqi ilə kiçik yaşlıların dərs prosesində fəallığı artıb, onların sosial bacarıqları inkişaf edib və tədrisə olan maraqları daha da güclənib.
Layihə çərçivəsində dərslər həftənin 5 günü gündə iki saat olmaqla keçirilir, azyaşlılar üçün müxtəlif interaktiv dərslər, qrup layihələri və icma ilə əməkdaşlıq proqramları təşkil olunur.
Övladlarını icma əsaslı sinifdə təhsil almaq üçün gətirən valideynlər hesab edir ki, məktəbdə icma əsaslı sinfin yaradılması kənddə yaşayan azyaşlı uşaqların təhsilinə töhfə verir və onlar üçün mühüm yenilikdir. Uşaqlar icma əsaslı məktəbəqədər təhsil sinfində həm sosiallaşır, həm də məktəbə daha yaxşı hazırlanırlar.
Qeyd edək ki, icma əsaslı siniflərin təşkili layihəsi Azərbaycanın müxtəlif bölgələrində həyata keçirilir və kənd məktəblərində təhsilin keyfiyyətini yüksəltmək üçün mühüm addımlardan biri hesab edilir.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Emil Rasimoğlu
Fərasət Babazadə
Sorğu
Portalımızı dəyərləndirin.
Çox oxunanlar