Sığınacaqda virusa yoluxan uşaqların vəziyyəti AÇIQLANDI

Hazırda virusa yoluxan uşaqların vəziyyəti ortadır. 
Manevr.az xəbər verir ki, bunu qaynarinfo-ya açıqlamasında "Azərbaycan Uşaqları" İctimai Birliyinin sədri Kəmalə Ağazadə sığınacaqda virusa yoluxan uşaqların səhhətindən danışarkən deyib. Sədr uşaqların rotavirus xəstəliyinə yoluxduqlarını qeyd edib:
"Artıq 3-cü uşağı da xəstəxanaya yerləşdirdik. Bəzilərində işləmə-qusma, bəzilərində isə yüksək qızdırma halları müşahidə olunur. Əlavə olaraq, uşaqların bəzilərində burnundan qan açılması halları da baş verdi. Hazırda sığınacaqdakı 6 uşağın vəziyyəti orta qiymətləndirir, müalicələr davam edir. Sığınacaqdakı uşaqlar nəzarət altındadır”.
Sədr sığınacağın dezinfeksiya olunduğunu xatırlatdı:
"Bu, çox önəmli idi. Qarın işləməsi halları olduğundan hər ehtimala qarşı sığınacaq dezinfeksiya olundu. Böyük bir müəssisədir. Bir uşaq yoluxan kimi xəstəlik kütləvi hal aldı”.
Qeyd edək ki, Bakıda uşaq sığınacağında virus yayılıb. Sığınacaqda olan 2 uşağın vəziyyəti pisləşdiyindən xəstəxanaya yerləşdirilib, 6 uşaq isə sığınacaqda müalicə alır.