WhatsApp istifadəçilərinə söhbətləri həmişəlik silə biləcək səhv barədə XƏBƏRDARLIQ

Belə bir vəziyyətin qarşısını almaq üçün mütəxəssislər ehtiyat nüsxələri əvvəlcədən aktivləşdirməyi və ya söhbətin ötürülməsi funksiyasından istifadə etməyi məsləhət görürlər.
Xarici KİV-in xəbərinə görə, “WhatsApp” istifadəçisi mühüm mesajların itirilməsi ilə nəticələnə biləcək problem barədə xəbərdarlıq etmək üçün başqalarına müraciət edib. O bildirib ki, smartfonunu yenilədikdən sonra onun söhbətləri, o cümlədən mərhum atasından gələn mesajlar izsiz yoxa çıxıb.
35 yaşlı qadın “Reddit”də yazıb: "Mən bunu başqalarını bu problemlə üzləşməkdən xilas etmək üçün yayımlayıram".
Belə bir vəziyyətin qarşısını almaq üçün mütəxəssislər ehtiyat nüsxələri əvvəlcədən aktivləşdirməyi və ya söhbətin ötürülməsi funksiyasından istifadə etməyi məsləhət görürlər.
WhatsApp ehtiyat nüsxələri Google Drivedə (Android üçün) və ya “iCloud”da (iPhone üçün) saxlanılır. Təsirə məruz qalan istifadəçinin sözlərinə görə, o, adətən avtomatik olaraq yenilənən Google hesabı vasitəsilə ehtiyat nüsxəsini yaradıb. Bununla belə, proqramı yeni telefonuna yenidən quraşdırdıqdan sonra o, “yedəkləmə ilə bağlı problem” haqqında mesaj görüb.
"Yaddaşa baxdım - 10 GB məlumat var idi. Onları bərpa etmək üçün “WhatsApp”ı sildim və yenidən yüklədim, lakin sistemə daxil olduqdan sonra sistem bərpa etmək üçün heç bir məlumat olmadığını göstərdi. “Google Drive”ı yoxlayanda bütün fayllar yox oldu", - o izah edib.
Vacib mesajları itirməmək üçün istifadəçilərə WhatsApp parametrlərində ehtiyat aktivliyini yoxlamaq tövsiyə olunur. Siz həmçinin bulud yaddaşından istifadə etmədən mesaj tarixçənizi cihazlar arasında ötürməyə imkan verən “chat transferi” funksiyasından da yararlanmalısınız.lent.az