Şaxta vurmuş tərəvəzləri almayın! - Ekspertdən XƏBƏRDARLIQ

"Qarlı havalarda donmuş kənd təsərrüfatı məhsullarının satışa çıxarılması düzgün deyil”.
 
Manevr.az xəbər verir ki, bunu qaynarinfo-ya açıqlamasında iqtisadçı ekspert Vahid Məhərrəmov deyib. 

Ekspert küçə ticarətində belə halların mümkünlüyünü vurğulayıb:
"Amma düşünmürəm ki, kimsə həmin məhsulları alıb evinə aparsın. Son günlər havalar elə də soyuq keçməyib. Qar tərəvəzlərə təsir edə bilər, amma meyvəyə bir o qədər təsir edə bilməz. Meyvə və tərəvəzlər qarın altında, yaxud da soyuducu kamerada qaldı, bunu elə də fərqi yoxdur. Əsas odur ki, məhsul donmasın, xarab olmasın. Hesab edirəm ki, vitirinlərdə qarın altında qalmış və ancaq donmamış məhsullar əhaliyə satıla bilər”. 
Vahid Məhərrəmov deyir ki, bəzən qar məhsulu şaxtadan qoruyur:
"Biz bunu təcrübədə görmüşük. Ona görə alış-veriş edərkən diqqət edin, şaxta vuran, donan tərəvəzləri almaq olmaz”.