Xəbər lenti
Yevlaxın icra başçısından nümunəvi addım - Şəhidlik zirvəsinə ehtiramın yüksək göstəricisi!
Yevlaxda Birinci Qarabağ müharibəsi zamanı itkin düşmüş və bu günlərdə şəxsiyyəti müəyyən edilmiş şəhid Tərlan Fikrət oğlu Məmmədovun dəfn mərasimi keçirilmişdir. Mərasimdə Yevlax Şəhər İcra Hakimiyyətinin başçısı Anar Tağıyev, rayonun deputatları, hüquq-mühafizə orqanlarının nümayəndələri, şəhər ictimaiyyəti, şəhid ailələri və qazilər iştirak edirdilər.Qeyd edim ki, Şəhid Tərlan Məmmədov 1975-ci ildə Yevlax rayonunun Aran qəsəbəsində anadan olmuş, Birinci Qarabağ müharibəsində Füzuli rayonunun Aşağı Əbdürrəhmanlı kəndinin müdafiəsi uğrunda gedən döyüşlərdə iştirak edərək, 1994-cü il yanvar ayının 10-da itkin düşmüşdür. Şəhidimizin dəfn mərasimi böyük izdihamla həyata keçirildi. Əslində dəfndə diqqətimi çəkən əsas məqam Yevlax Şəhər İcra Hakimiyyətinin başçısı Anar Tağıyevin şəhid anasına qarşı göstərdiyi səmimi və qəlbdən gələn münasibəti idi. Öz fəaliyyətində cənab prezident İlham Əliyevin tapşırıq və tövsiyələrini rəhbər tutan Anar Tağıyev ölkə rəhbərliyi tərəfindən şəhid ailələrinə və qazilərə göstərilən diqqət və qayğının Yevlaxda əsaslı şəkildə hiss olunmasını təmin edən əsas şəxsdir. Şəhər rəhbəri dəfn mərasimində şəhid anasının əllərindən öpərək şəhidlik zirvəsinə öz hörmət və ehtiramını çatdırdı və ona təsəlli verməyə çalışdı. Gördüklərim məni həm kövrəltdi, həm də qürurlandırdı. Ona görə kövrəldim ki, illərdir öz itkin, şəhid övladının yolunu gözləyən ananın gözlərindəki həsrəti, qəm və qüssəni gördüm, hiss etdim. Ona görə qürurlandım ki, cənab prezidentin doğma Yevlaxımızdakı nümayəndəsinin, sözcüsünün - Anar Tağıyevin şəhid anasına qarşı bir övlad kimi davrandığının, onu sevib əzizləməsinin şahidi oldum. Bu mənzərə hər bir məmur üçün nümunədir. Onlar da öz fəaliyyətlərində Yevlaxın icra başçısı Anar Tağıyev kimi nümunəvi addımları ilə rəhbərlik etdikləri rayonlarda, idarə, təşkilat və müəssisələrdə məmur-vətəndaş münasibətlərinin inkişafına töhfə verməyə çalışmalıdırlar.
Anar Salehoğlu,
İctimai-siyasi fəal
Xəbəri paylaş
Çox oxunanlar
Son yüklənənlər
Axtarış
Reklam
Şou-biznes
Yazarlar
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
Sorğu
Portalımızı dəyərləndirin.
Çox oxunanlar