Xəbər lenti
Orxan Əsgərovun ailəsi edam tələbini rəsmiləşdirdi
Manevr.az xəbər verir ki, bunu teleqraf.com-a açıqlamasında Azərbaycanın İrandakı səfirliyinə terror hücum zamanı həlak olan Orxan Əsgərovun atası Rizvan Əsgərov deyib.
Onun sözlərinə görə, sənədləri ötən ayın sonunda rəsmi qaydada Baş Prokurorluğa göndəriblər:
"Mən, həyat yoldaşım, digər oğlum, Orxanın həyat yoldaşı və qızı ərizə yazmışıq. Orxanın oğlu azyaşlıdır, onun hüquqlarını mən təmsil edirəm və onun da adından ərizə yazmışam. Notariat qaydada təsdiqlətdiyimiz ərizələrdə terrorçunun qisas qismində edam olunmasını tələb etmişik. Həmçinin Azərbaycanın Təbrizdəki Baş Konsulluğuna hər bir ailə üzvümüz ayrı-ayrılıqda etibarnamə yazmışıq ki, bütün hüquqi proseslərdə bizi təmsil etsinlər. Ola bilər ki, İran tərəfi hökmün icrası zamanı bizi çağırmasın. Etibarnamə, notariat sənədləri tərcümə edilərək İran hökümətinə təqdim olunacaq. Həmçinin etibarnamələrimiz Baş Konsulluğa çatdırılacaq. Ailə üzvülərimizin yazdığı ərizədə bir daha qeyd olunub ki, hücumu törədən terrorçu qisas qismində edam olunsun".
Xatırladaq ki, 2023-cü il yanvarın 27-də Azərbaycanın İrandakı səfirliyinə terror hücumu olub. Terroru törədən İran vətəndaşı Yasin Hüseynzadə “Kalaşnikov” markalı avtomat silahla mühafizə postunu yararaq mühafizə xidmətinin rəisi Orxan Əsgərovu qətlə yetirib. Səfirliyin mühafizə xidmətinin əməkdaşları Vasif Tağıyev və Mahir İmanov hücumun qarşısını alarkən yaralanıblar.
Orxan Əsgərov İkinci Şəhidlər xiyabanında dəfn edilib. 2023-cü il fevralın 3-də Azərbaycan Prezidentinin sərəncamı ilə Orxan Əsgərov (ölümündən sonra) "Vətən uğrunda" medalı, Vasif Tağıyev 1-ci dərəcəli “Rəşadət” ordeni ilə, Mahir İmanov “Vətən uğrunda” medalı ilə təltif edilib.
İranın Ali Məhkəməsi qatil Y.Hüseynzadə barəsində çıxarılan edam hökmünü təsdiqləyib. Orxan Əsgərovun ailəsi onu əfv etmədiyinə görə hökm icra olunacaq.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
Sorğu
Portalımızı dəyərləndirin.
Çox oxunanlar