İranda ərəb şair və incəsənət xadimi həbs edildi

İranın Xuzistan əyalətində ərəb etnik qrupundan olan onlarla şair və incəsənət xadimi həbs edilib.
Manevr.az milli.az-a istinadla xəbər verir ki, bu barədə məlumatı "Harana" hüquq müdafiəsi saytı yayıb.
Bildirilib ki, hazırda onların 28-nin kimliyi təsdiqlənib.
"Karun" hüquq müdafiə təşkilatının hesabatına əsasən, yanvar ayı başlayandan İranın Əhvaz, Şadqan, Ramşir, Şüştə, Xürrəmşəhr və Susanqard şəhərlərində ərəb etnik qrupundan olan 30-a yaxın İslam Respublikası vətəndaşı yerli təhlükəsizlik qüvvələri tərəfindən həbs edilib.
Məlumata görə, Sistan və Bəlucistanda azı 38 nəfər saxlanılıb.
Bildirilib ki, beynəlxalq insan hüquq müdafiəsi təşkilatının hesabatına əsasən, ötən il İranda azı 2 783 ictimai və siyasi fəal həbs edilib.