Xəbər lenti
Azərbaycanda 5 universitetin rektoru yoxdur
Azərbaycanda ali təhsil müəssisələri Elm və Təhsil Nazirliyinin, digər nazirlik və komitələrin tabeliyində olan, özəl və xüsusi təyinatlı olmaqla dörd kateqoriyaya bölünür.Ali təhsil müəssisələrinin 20-si Elm və Təhsil Nazirliyinin, 13-ü digər nazirlik və komitələrin tabeliyində fəaliyyət göstərir. 7 ali təhsil müəssisəsi xüsusi təyinatlıdır, 10-u isə özəldir.
Manevr.az Modern.az-a istinadla xəbər verir ki, ölkədə fəaliyyət göstərən bir sıra ali təhsil müəssisələrinin rektoru yoxdur.
Azərbaycan Dövlət Neft və Sənaye Universitetinin sonuncu rektoru Mustafa Babanlı olub. O, ötən ilin iyul ayında vəzifəsindən azad edilib. Rektorun səlahiyyətləri Azərbaycan-Fransız Universitetinin (UFAZ) icraçı direktoru, dosent Vazeh Əsgərova həvalə olunub.
Azərbaycan Dövlət Dəniz Akademiyası da rektorsuz universitetlər sırasındadır. Ali təhsil müəssisəsinin rektoru Heydər Əsədov parlamentin deputatı seçildikdən sonra vəzifəsindən azad edilib.
Naxçıvan Müəllimlər İnstitutunun rektoru Azad Novruzov da Ali Məclisin deputatı seçildiyi üçün vəzifəsini itirib.
Mingəçevir Dövlət Universitetinin rektoru Şahin Bayramov isə Qarabağ Universitetinə rektor təyin edilib. Onun yerinə hələlik təyinat olmayıb.
Dövlət Sərhəd Xidmətinin (DSX) Akademiyasının rəisi general-mayor Azər İbrahimov bu ilin oktyabr ayında vəzifəsindən azad edilib. Akademiyanın rəisi vəzifəsinin icrası general-mayor Faiq Məmmədova həvalə edilib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Şou-biznes
Yazarlar
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
KƏRAMƏT
KƏRAMƏT
Sorğu
Portalımızı dəyərləndirin.
Çox oxunanlar