Kamal Abdullanın oğlu işdən çıxarıldı

Azərbaycan Dillər Universitetinin rektoru Kamal Abdullanın oğlu, Ədliyyə Nazirliyinin idarələrindən birində rəis müavini vəzifəsində çalışan Mehdi Abdullayev işdən çıxarılıb.
Manevr.az "Qaynarinfo"ya istinadən xəbər verir ki, o, nazir Fərid Əhmədovun imzaladığı əmrlə sərəncama götürülüb.
Belə ki, Prezidentin 4 iyun 2024-cü il tarixli Fərmanı ilə nazirlikdə struktur dəyişikliyi həyata keçirilib.
Müvafiq dəyişikliklərə əsasən, Azərbaycan Respublikası Əhalisinin Dövlət Reyestri Xidməti ləğv edilib. Xidmətin rəis müavini vəzifəsini tutan Mehdi Abdullayev tutduğu vəzifədən azad olunaraq, sərəncama götürülüb.
Qeyd edək ki, M.Abdullayev 2022-ci ilin iyul ayında əmək və əhalinin sosial müdafiəsi naziri Sahil Babayevin müşaviri vəzifəsindən azad olunaraq, sabiq ədliyyə naziri Fikrət Məmmədovun müvafiq əmri ilə sözügedən vəzifəyə təyin edilmişdi.