.png)
Xəbər lenti
DİM-in intihar edən şagirdlə bağlı MƏLUMATI
Bu gün bəzi kütləvi informasiya vasitələrində Xırdalan şəhərində yeniyetmə şəxsin intihar etməsi ilə bağlı məlumatlar yayılıb. Təəssüf ki, xüsusilə xəbər başlıqlarında qabarıq şəkildə həmin şəxsin dünən elan olunan buraxılış imtahanı nəticələrinə əsasən, aşağı bal toplaması və məhz buna görə intihar etməsi qeyd olunur.Dövlət İmtahan Mərkəzindən verilən məlumata görə, DİM tərəfindən aparılan araşdırma nəticəsində məlum olub ki, həmin şəxsin təhsil göstəriciləri daim aşağı olub.
"Həmin şagird 2021-ci ildə keçirilən 9-cu sinif buraxılış imtahanında da çox zəif nəticə göstərib. Həmçinin fənlər üzrə məktəbdaxili əksər qiymətləri “3” olub. Dolayısıyla hazırlıq səviyyəsi daim aşağı olan şəxsin məhz dünənki imtahan nəticələrinə görə özünə qəsd etməsi fikrini tirajlamaq doğru deyil və cəmiyyət üçün faydalı ola bilməz.
Ümumiyyətlə yetkinlik yaşına çatmayan şəxslərin özünə qəsd etməsi ilə bağlı mövzular işlənərkən diqqətli olmaq lazımdır. Hazırda ali və orta ixtisas təhsili müəssisələrinə qəbul kampaniyası davam edir və kütləvi imtahanlar keçirilir. Bu imtahanlarda on minlərlə şagird iştirak edir. Son illər hər hansı yeniyetmə intihar edərkən mediada bunun əsasının imtahana bağlanmasına cəhd göstərilir ki, bu da kökündən yanlışdır. Mütəxəssislərin fikrincə intihar hadisələrinin çox dərin psixoloji səbəbləri olur. Bunu birbaşa imtahanla əlaqələndirmək və diqqət cəlb etmək üçün “başlığa” çıxartmaq doğru hesab oluna bilməz.
İlkin ehtimallara istinad edib bu tip xəbərlərin yayılmaması, ümumiyyətlə belə mənfi təzahürlərlə bağlı məlumatların daha adekvat formada işıqlandırlmasını media nümayəndələrindən xahiş edirik" - deyə rəsmi məlumatda qeyd edilib.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar