Süni mayalanma qorxusu aradan qalxır - Həkim hormonlarla bağlı mifləri qırdı

Ekstrakorporal mayalanma (süni mayalanma) proseduru hələ də bir çox qadınlarda narahatlıq və qorxu yaradır. Xüsusilə hormonlarla bağlı yayılan miflər bu prosesə qarşı əksəriyyətin həyəcanını artırır.
Manevr.az bildirir ki, rusiyalı reproduktoloq Mariya Braqina KP.ru-ya verdiyi müsahibədə süni mayalanmanın qadın sağlamlığına təsiri barədə açıqlamalar verib.
Braqina bildirib ki, düzgün təyin olunmuş hormonal preparatlar artıq qadın sağlamlığı üçün təhlükə yaratmır və əksinə, həm xarici görünüşü, həm də ümumi rifahı yaxşılaşdırır:
"Bir çox qadın hələ də hormonal preparatları zərərli hesab edir. Amma əslində müasir əczaçılıq məhsulları xəstələrin qorxularını dəfələrlə üstələyir. Düzgün seçilmiş dərmanlar isə sağlamlıq üçün faydalıdır", - deyə həkim qeyd edib.
Süni mayalanma başlamazdan əvvəl hər xəstə tam müayinədən keçirilir. Bu, riskləri müəyyənləşdirməyə, əks göstərişləri istisna etməyə və qadına uyğun yumşaq stimulyasiya sxemini seçməyə imkan verir.
"Hər bir qadın üçün analiz nəticələrinə əsasən preparatın növü və kursu fərdi seçilir. Beləliklə, hormonal stimulyasiya yalnız təhlükəsiz və yumşaq olur", - deyə Braqina əlavə edib.