.png)
Xəbər lenti
Abşeron zəfəranı dünyaya səs saldı - 11 min dollar...- VİDEO
Abşeron zəfəranı dünyada ən bahalı vegeterian məhsullar arasında 3-cü yerdə qərarlaşıb. Bununla bağlı xarici mediada hazırlanmış məqalədə qeyd edilib ki, 1 kiloqram Abşeron zəfəranının qiyməti dünya bazarında 11 min dollardır. Rəqəmlərə əsaslansaq, bu bitkinin ölkəyə xarici valyuta cəlbi baxımından böyük payının ola biləcəyini deyə bilərik. Hazırda isə zəfəranın əkin sahələri çox azdır. Qarşıdakı illərdə dövlət proqramının həyata keçirilməsi planlaşdırılır.
Ölkəmizdə yetişdirilən Abşeron zəfəranı 12 ən bahalı vegetarian məhsul arasında 3-cü yeri tutub. "Luxurylaunches" saytında bu haqda yazılan məqalədə qeyd olunur ki, 1 kiloqram Abseron zəfəranının qiyməti 11 min dollardır. Məqalədə vurğulanır ki, Azərbaycan zəfəranının sənaye istehsalı sayəsində ildə 142,6 milyon dollar qazana bilər. 0,5 kiloqram quru zəfəranın alınması üçün 75 mindən çox çiçəkdən istifadə olunur.
Ölkəyə külli miqdarda valyutanın cəlbi baxımından bu bitkinin əkin sahələrinin genişləndirilməsi olduqca vacibdir. Amma statistikaya əsaslansaq, zəfəranın əkin sahələri SSRİ dövrü ilə müqayisədə təxminən 30 dəfə azdır. Əvvəllər Azərbaycanda ildə 600 kq zəfəran istehsal olunardı, hazırda bu rəqəm çox cüzidir.
Aqrar Tədqiqatlar Mərkəzinin müşaviri Firdovsi Fikrətzadə qeyd edib ki, Kənd Təsərrüfati Nazirliyi zəfəran istehsalının genişləndirilməsi ilə bağlı müxtəlif tədbirlər həyata keçirir. İlk növbədə Bakıətrafı qəsəbələrdə ərazisi geniş olmayan həyətyanı sahələrdə bitkinin əkilməsi təşviq edilir.
Firdovsi Fikrətzadənin sözlərinə görə, hazırda Azərbaycanda zəfərana olan tələbat daha çox İrandan ucuz idxal hesabına ödənilir. Halbuki yerli məhsulun keyfiyyəti nəinki İran, hətta İspaniya və İtaliyada yetişdirilən zəfəranın keyfiyyətindən də yüksəkdir.
Görünən odur ki, qarşıdakı illərdə zəfəran ölkəyə xarici valyuta cəlb etmək baxımından önəmli rol oynayacaq.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar