Xəbər lenti
Gənc şair Anara şeir yazdı: "Başına dönüm sənin, Ay Birliyin kralı"
Gənc şair Elşad Barat Xalq yazıçısı Anara ünvanladığı məktub-şeiri redaksiyamıza yollayıb. Manevr.az həmin şeiri təqdim edir:
Yaxşı Anarın nağılı
Evdə acdı uşaqlar,
Yığılmışam boğaza,
Məcburam ki, bu gündən,
Qələm həqiqət yaza.
Bu günkü qəhrəmanım,
Anar müəllim olsun.
Hələ ki, fikirlərim,
Bir az mülayim olsun.
Başına dönüm sənin,
Ay Birliyin kralı,
Bəs deyilmi bu qədər?
Bir az dayan aralı.
Otuz ildi tutmusan,
Ədəbiyyat yolların.
Doğramısan gənclərin,
Ayaqların, qolların.
Ancaq ki, iyləməkçün,
Gənc çiçəyin var sənin.
Mən demirəm, xalq deyir,
Daş ürəyin var sənin.
Ürəyinə daş deyən,
Xalqdan uzaq qalmısan.
Hələ xalq yazıçısı,
Adını da almısan.
Ayıbdı allah haqqı,
Qürurundan ayıbdı,
Təhminəndən ayıbdı,
Zaurundan ayıbdı.
Gözümüzdən salmısan,
Hər abzasın, cümləsin,
Beşmərtəbəli evin,
Altıncı mərtəbəsin.
Gənclər acından ölsün,
Sən ye əti, balığı.
Küsmədimi iştahın.
Ay sovetin qalığı?
Səksəni də keçmisən,
Getməyə həvəsin yox.
Qurultaydan həqiqi,
Bircə dənə səsin yox.
Özündən də savayı,
Düşünginən birini.
Qalx ayağa nə olar,
Bir gəncə ver yerini.
Məni tanıyan bilir,
Böyüyə hörmətim var,
Balam söz konususa,
Aslan cəsarətim var.
Bağışla ki, nəzmlə,
Bu gün yola verəcəm,
Əsl fikirlərimi,
Köşələrlə deyəcəm.
Elşad Barat
Xəbəri paylaş
Çox oxunanlar
Son yüklənənlər
.jpg)
Axtarış
Reklam
Yazarlar
Emil Rasimoğlu
Emil Rasimoğlu
Emil Rasimoğlu
Cahangir NAMAZOV
-Təranə Dəmir
- Sevil Nuriyeva
Emil Rasimoğlu
Sorğu
Portalımızı dəyərləndirin.
Çox oxunanlar