Sizin Reklam Burada
Xəbər lenti
18-03-2024
17-03-2024
BÜTÜN XƏBƏRLƏR

Şair nazirə AÇIQ MƏKTUB YAZDI "...bağ evinizdə itinizin qulluğunda dura bilərəm, təki..."

Tarix: 18-07-2018 22:43     Baxış: 18 338 A- / A+
Şair nazirə AÇIQ MƏKTUB YAZDI "...bağ evinizdə itinizin qulluğunda dura bilərəm, təki..."

Əslində, sizə yazmağımın səbəbi pampers oldu

Manevr.az şair Elşad Baratın fövqəladə hallar naziri Kəmaləddin Heydərova ünvanladığı məktubu təqdim edir:

Çox hörmətli və çox cənab nazir!
Hal-hazırda nisyə oturduğum köhnə kafelərin birinin küncündən sizə yazıram. Qarşımda köpüksüz pivə, alabişmiş noxud var. Bir də üç nömrə, qırx səkkiz dənəlik Sleepy pampers paçqası. Bu pampersi az öncə səkkiz manat, qırx qəpiyə almışam. Bir dənəsi on yeddi tam, onda beş qəpiyə düşür. Əslində, sizə yazmağımın səbəbi də bu pampers oldu.

Mən üç uşağı indiyə qədər otuz qəpiklik pamperslə böyütmüşəm. Daha doğrusu, on yeddi qəpilkik pampersi otuz qəpiyə məhlə dükanlarından nisyə almışam. Oturub hesablayıram ki, bir maşının qiymətini ağılsızlığımdan və ya yaşam şərtlərini bilməməyimdən təkcə pampersdə uduzmuşam. Xahiş edirəm, bu qədər xırdalığa getdiyimə görə, məni qınamayın. Burada çox önəmli bir detal var ki, insan gəlirini-çıxarını, mimimum yaşayış kriteriyalarını bilməlidir.

Möhtərəm nazir, deməyim o ki, mən indiyə qədər mühəndis, elmi işçi, müəllim işləyib balalarımı doyunqarına dolandırmamışam. Həmişə bir qarnı ac, bir qarnı tox yaşamışıq. Hansı ki, mən elə bir işlə məşqul ola bilərdim ki, həm balalarım doyanacan qarpız, yemiş, dondurma, sinikers yeyərdi, həm də evimizdə hər gün kartof-soğan, qənd-çay qutarmazdı.

Adicə bir məsələni deyim ki, sizin bahalı siqaretdən iki-üç tüstü alıb söndürdüyünüzü dəfələrlə müşahidə etmişəm. Şəxsən mən sizin yanınızda hərlənib yarımçıq söndürdüyünüz siqaretləri toplayaraq başqa siqaret növünün emalının biznesini qura bilərəm.

Və ya, bağ evinizdə itinizin qulluğunda dura bilərəm. Hər gün ona dünya şöhrətli aşpazlar kimi kabab çəkər, qazan yeməkləri bişirərəm. İstəsəniz avropa mətbəxinə də müraciət edərəm. Sonra itinizi hər gün bahalı şampunla çimizdirərəm, saçlarını fenləyib dırnaqlarını manikür-pedikurləyərəm. Allaha and olsun ki, itinizin bəy kimi qulluğunu tutaram. Hər gün əlli dəfə altını təmizləyərəm, qu tükündən yastıq da tikərəm ona. Təki, balalarımı yaxşı dolandırım, heç nəyə ehtiyacları olmasın. Hər gecə evə gedəndə «papa, dediyimi aldın?» suallarına susmayım. Sizin də balalarınız var, nə dediyimi yaxşı bilirsiz.

Naxçıvanda magistraturanı oxuyanda mənə demişdilər ki, siz kiçik bizneslə məşqul olanda sumkalarınızı gömrükdən belinizdə keçirirmişsiz. Sonra bir gömrük məmuru ilə tanış olmusuz, biznesi böyütmüsüz. Bütün bunları, bu əziyyətəri kiminçün çəkirik? Təbii ki, balalarımız üçün. İndi mənim nə gömrükdə, nə də Elmlər Akademiyasında tanışım-bilişim yoxdur. Ümumiyyətlə, mənim heç kimim yoxdur. Ölkənin gündəyməyən ucqar bir kəndində təsadüfən doğulmuşam.

Nə uşaqlıqda, nə yeniyetməlikdə, nə də gənclikdə bir gün görməmişəm. Allah zərrəcə istedad verib, onu da sata bilmirik. Heç alan da yoxdur. Bu ölkədə sizdən başqa istedada dəyər verən nazir tanımıram. Ədəbiyyata, incəsənətə verdiyiniz dəyər danılmazdır. Neçə-neçə şairi, yazıçını Əzrayıl müəllimin pəncəsindən məhz siz almısız.

Yoldaş nazir, məktubumu çox uzada bilərəm, nə mənası, artıq fikirlərim bəllidir ki, bu ölkədə istedada, intellektə, ziyaya dəyər verən yoxdur. Bu ölkədə insan kimi yaşamaq üçün ya məmur tanışın, ya da vəzifə almaq üçün altın dolu olmalıdır. Mən sizi özümə tanış, doğma məmur seçirəm. Lap gəlib maşınlarınızın təkərini qaralda bilərəm. İnanın ki, ən bahalı ətirlərlə maşınınızın matorunu, karbiratorunu duxulayaram. Təki, balalarımı insan kimi dolandıra bilim.

Elşad Barat.
Sabahın Nobel mükafatçısı.
Bakı, 2018

Xəbəri paylaş







Müəllif: Mahir
Tarix: 19 iyul 2018 18:22
Salam.Menimde 40 yaşim var. 20 ildir Aktyor işleyirem .Bundan sonra 120 ilde işlesem şexsi menzil ala bilmeyecem.Maaşımı bu güne kimi zor güc komunallara çatdirirdim .Dolanişiq isə danişilmayacaq derecede ağir idi.A mma artiq maaşim da olmayacaq. Çünki bir neferin ticaret şeriki olmaq arzusu (bu ticaret iki aydan sonra dükani Baki icra hakimiyyetinin dağitmasi ile dağildi) mene dollarin 78 qepik olan vaxtinda bankdan kredit götürmeye vadar etmişdi.Ve bu gün iş yerime mehkemenin qerari geldi .Maaşimin 100 % i bundan sonra 7000 ABŞ dollarini ödemeye gedecek. Daha heç bir heyat elameti görmürem özüm ve ailem üçün. İki körpem, xeste anamla kirayede de qala bilmeyecem daha. Yeqinki o boyda nazir bağında birce dene it saxlamaz. İki ve daha artiq olar .Lap ele it olmasin ayi olsun. Ferqi yoxdur 2 peleng, şir, ayi, canavar, bebir olsun. Fil ve deve de olar.Xahiş edirem menimçünde bir iş verin .Hansi heyvan olsa qulluğunda adam kimi duracam. Teki ev kirayesini, işiqpulunu, qaz pulunu, anamin derman pulunu, uşaqlarin yavanliğini qazana bilim.
Adınız:*
E-Mail:
Şərhiniz:
  • winksmile
    laughing
    angry
Kodu yazın: *
yenilə, əgər kod görünmürsə



Çox oxunanlar




Son yüklənənlər


Axtarış

Reklam

İqtisadiyyat
Media
Ədəbiyyat
İdman
Kriminal
Şou-biznes
Elan
Yazarlar
Təqvim

«    Mart 2024    »
BeÇaÇCaCŞB
 123
45678910
11121314151617
18192021222324
25262728293031
Sorğu


Portalımızı dəyərləndirin.



Çox oxunanlar