Ermənistanın Baş naziri Nikol Paşinyana qarşı yönəlmiş hücum cəhdi ilə bağlı açılmış cinayət işi çərçivəsində üç ölkə vətəndaşına rəsmi ittiham irəli sürülüb.

Manevr.az xəbər verir ki, bu barədə məlumatı Ermənistan İstintaq Komitəsinin nümayəndəsi Kima Avdalyan yayıb.

Avdalyan qeyd edib ki, D.M.-ə Cinayət Məcəlləsinin xuliqanlıq və dövlət məmurunun qanuni fəaliyyəti ilə bağlı maneə yaratma maddələri üzrə cinayət işi açılıb. M.M.-yə xuliqanlığa dəstək vermək və vəzifəli şəxsin fəaliyyətinə müdaxilə etmək ittihamı irəli sürülüb. G.G.-yə isə xuliqanlıq hərəkətini təşkil etmək və dövlət məmurunun qanuni fəaliyyəti ilə bağlı maneələr yaratmaq ittihamı verilib.

Qeyd olunur ki, martın 29-da Daxili İşlər Nazirliyi İrəvanda, Müqəddəs Anna kilsəsində bazar günü ibadətindən sonra üç şəxsin polis tərəfindən saxlandığını açıqlayıb. Hadisə, kilsədən çıxarkən Paşinyana fiziki hücum cəhdi ilə bağlı baş vermişdi.