Özbək yazarın Azərbaycanda kitabı çap olundu - Foto

Manevr.az xəbər verir ki, "Azərbaycan yazıçıları belə deyir" adlı kitabda müəllifin otuz azərbaycanlı qələm adamı ilə ədəbi, bədii və elmi söhbətləri yer allb. Kitab Vətəndaş Həmrəyliyi Partiyasının sədri, Xalq şairi Sabir Rüstəmxanlının dəstəyi ilə "Mücrü" nəşriyyatında işıq üzü görüb. Kitabın Ön Söz yazarı Sabir Rüstəmxanlı, rəyçisi filologiya elmləri doktoru, ədəbiyyatşünas, şair Təranə  Turan Rəhimlidir. 

Qeyd edək ki, Cahangir Namazov Özbəkistan-Azərbaycan  ədəbi əlaqələrinin möhkəmlənməsində və inkişafında əlindən gələni edir və bu yöndə töhfələr verməkdədir. "Azərbaycan yazıçıları belə deyir" kitabı buna bariz nümunədir. Müəllif eyni zamanda hər iki ölkənin ədəbiyyat nümayəndələrinin xarici mətbuatda dərc olunmasını, tanınmasını təmin edir. Eləcə də xarici yazıçı və şairləri bizlərə tanıdır.

Gənc olmasına baxmayaraq, bir çox nailiyyətlər əldə etmiş, uğurlar qazanmış C.Namazov Azərbaycan Jurnalistlər Birliyinin və Dünya Gənc Türk Yazarlar Birliyinin üzvüdür.

Manevr.az olaraq, gənc dostumuz, əməkdaşımız Cahangir Namazovu kitabının dərc olunması münasibətilə təbrik edir, yeni yaradıcılıq uğurları və yorulmazlıq arzulayırıq.