Xəbər lenti
DİM Direktorlar Şurasının sədri təhsil ekspertləri ilə görüş keçirib
Bu barədə DİM-dən məlumat verilib. Bildirilib ki, əvvəlcə iştirakçılar DİM-də yaradılmış və ölkəmizin milli qiymətləndirmə sisteminin tarixini əks etdirən muzeylə tanış olublar. Qonaqlara milli qiymətləndirmə sisteminin yaradılması və keçdiyi inkişaf yolu barədə məlumat verilib.
Görüşdə M.Abbaszadə DİM-in hazırkı fəaliyyəti, qarşıda duran əsas məsələlər, tələbə qəbulu və ümumi təhsil müəssisələri üzrə buraxılış imtahanlarının nəticələrinin bəzi statistik göstəriciləri – bölgələr üzrə məzunların orta ballarının paylanması, onların qəbul kampaniyasında iştirakı üzrə müxtəlif diaqramlar, ali təhsil müəssisələrinə qəbul olan abituriyentlərin buraxılış imtahanlarında topladıqları ballara görə paylanması və s. haqqında məlumat verib.
M.Abbaszadə bildirib: “25 ildən artıqdır Azərbaycanda keçirilən imtahanların nəticələri təhlil edilir və iştirakçıların göstəriciləri daimi olaraq izlənilir. Biz ümumi tendensiyanı qabaqcadan görə bilirik. Hazırda Dövlət İmtahan Mərkəzinin məlumat bazasında imtahan nəticələri, inkişafın ümumi dinamikası, aparılan çoxsaylı statistik təhlillərlə bağlı elmi materiallar formalaşıb və bunlardan təlim-tədris prosesinin qurulmasında, əmək bazarının təhlilində geniş istifadə edilə bilər”. M.Abbaszadə, həmçinin “Yeniliklərin yayılması nəzəriyyəsi”, təhsil sistemində innovasiyaların paylanılmasında insanların rolu, istedadın təbiəti haqqında təqdimatla çıxış edib.
Görüşdə DİM-in sektor müdiri Aydın Qasımov “Azərbaycanda buraxılış və qəbul imtahanlarında yazı işlərinin qiymətləndirilməsi texnologiyası” mövzusunda təqdimatla çıxış edib. Təqdimatda respublikada keçirilən buraxılış və qəbul imtahanlarında şagirdlərin yerinə yetirdikləri yazı işlərinin qiymətləndirilmə texnologiyası, bu texnologiyanın xüsusiyyətləri, yazı işlərinin yoxlama prosesinin təşkili, qapalı tapşırıqlar və yazı işi tapşırıqlarının bilik və bacarıqları ölçmə baxımından müqayisəsi, imtahan nəticələrinin elanı, apellyasiya prosesi haqqında məlumat verilib.
İclas DİM-in əməkdaşları və ekspertlər arasında müzakirələrin aparılması ilə yekunlaşıb.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Kriminal
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar