_99.jpg)
Xəbər lenti
Hansı universitet imtahanlarda tələbələrə güzəşt edəcək...
Azərbaycanda hərbi vəziyyət və koronavirus pandemiyası ilə əlaqədar təhsil əyani formadan distant formaya keçirilib. Hazırda da bütün təhsil müəssisələrində dərslər məsafədən tədris olunmaqdadır.
Maraqlıdır, üniversitetlər distant təhsil formasını nəzərə alıb imtahanlarla bağlı tələbələrə hansısa güzəştlər edəcək?
Manevr.az xəbər verir ki, modern.az mövzu ilə bağlı universitetlərə müraciət edib:
Bakı Dövlət Universitetinin mətbuat katibi Günel Orucəliyeva:
“Bu barədə müzakirələr aparılır. Gələn həftənin ilk günlərində Elmi Şuranın iclasında bu haqqda dəqiq qərar qəbul ediləcək”.
Azərbaycan Dillər Universitetinin mətbuat katibi Ağa Cəfərli:
“Universitetimiz tərəfindən tələbələr üçün bir çox güzəştlər nəzərdə tutulur. Qərarların hamısı tələbəyönümlü olacaq. Gələn həftə Elmi Şuranın iclasında bu qərarlar rəsmiləşəcək. Cəbhə bölgəsində yaşayan tələbələrimizə, xüsusilə diqqət yetiriləcək”.
Lənkəran Dövlət Universitetinin mətbuat katibi Esmira İsmayılova:
“Keçən semestrda olduğu kimi, bu il də imtahanlar onlayn qaydada keçiriləcək. Dərsdə iştirak edə bilməyən tələblərə üçün imkanlar yaradılacaq. Həmin tələbələr üçün əlavə onlayn dərslər təşkil olunacaq. Əgər bu baş tutmasa, koronavirus səngiyəndən sonra əlavə mühazirələr təşkil olunub, daha sonra imtahana buraxılacaq. Təhsil Nazirliyinin imtahanla bağlı müvafiq qərar və tövsiyələri olur. Lənkəran Dövlət Üniversiteti də həmin qərarları nəzərə alacaq”.
ADA Universitetinin mətbuat katibi Şəbnəm Məhərrəmova:
“Payız semestrı üzrə ADA məktəbi üçün 10%, ADA Universiteti üçün 15% güzəşt var idi. Universitetimizdə tədris rəqəmsallaşdırılıb və müxtəlif platformalar vasitəsi ilə imtahanlar keçirilir. Növbəti semestr üçün olacaq dəyişikliklərlə bağlı dəqiq məlumat yoxdur”.
Azərbaycan Texniki Universitetinin mətbuat katibi Sevinc İsgəndərova:
“Yaxın bir-iki günə Elmi Şura keçiriləcək, ondan sonra hansı güzəştlərin ediləcəyi məlum olacaq. Bu məsələ hər zaman universitetimizdə nəzərə alınıb”.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar