Xəbər lenti
Gənc alim beynəlxalq konfransda uğurlu elmi məruzəsi ilə diqqət şəkib -ŞƏKİL
3-6 mart tarixlərində Bakıda Azərbaycan Milli Elmlər Akademiyasının (AMEA) Gənc Alim və Mütəxəssislər Şurası tərəfindən “Fundamental və tətbiqi elmlərin müasir problemlərinin həllində multidissiplinar yanaşmalar” mövzusunda II Beynəlxalq elmi konfrans keçirilib.
Manevr.az xəbər verir ki, SOCAR-ın Elm Fondunun maliyyə dəstəyi ilə keçirilən tədbir AMEA-nın 75 illiyinə həsr olunub.
Beynəlxalq konfransda AMEA-nın birinci vitse-prezidenti, akademik İbrahim Quliyev, AMEA-nın vitse-prezidenti, akademik İradə Hüseynova, akademiyanın elmi müəssisə və təşkilatlarının direktorları, həmçinin 15 ölkədən (Kanada, İspaniya, Türkiyə, Almaniya, Misir, Gürcüstan, Macarıstan, Filippin, Rusiya, Belarus, Qazaxıstan, Qırğızıstan, Moldova, Özbəkistan) 300-dən çox gənc alim iştirak edib.
Konfransın “Bugünkü sosial və humanitar problemlər” adlı bölməsində 30-dan çox elmi məqalənin müəllifi, Qərbi Kaspi Universitetinin “Siyasi və ictimai elmlər” fakültəsinin müəllimi və Bakı Dövlət Universitetinin doktorantı Tural Vəlizadə öz elmi məruzəsi ilə diqqət çəkib. Onun “The March Genocide of 1918 in Baku” (“Bakıda 1918-ci il Mart soyqırımı”) adlı elmi məruzəsi konfrans iştirakçıları tərəfindən xeyli maraqla dinlənilərək yüksək qiymətləndirilib.
Tural Vəlizadə öz çıxışından sonra bölmə rəhbərlərinin və iştirakçıların müxtəlif suallarını cavablandırıb. Gənc alim konfransın Elmi-təşkilat Komitəsi tərəfindən sertifikatla təltif olunub.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar