.png)
Xəbər lenti
II qrup üzrə 400 bal toplayan yeganə abituriyent- ŞƏKİL
Builki qəbul imtahanlarında maksimum nəticə göstərən abituriyentlərin sayı ötən illərdəkindən xeyli az oldu. II ixtisas qrupu üzrə bu sevindirici və qürurverici nəticəni yalnız 1 abituriyent əldə edib.
Manevr.az azedu.az-a istinadən xəbər verir ki, həmin abituriyent - Səfərov Qorxmaz Seyfəddin oğlu 28 yanvar 2003-cü ildə Bakı şəhərində anadan olub. Əslən Ağdam rayonunun Mərzili kəndindəndir. 2019-cu ildə Abşeron rayonu Masazır qəsəbəsində yerləşən Kəlbəcər rayon 56 saylı tam orta məktəbi Fərqlənmə attestatı ilə bitirib. 19 may 2019-cu ildə keçirilən qəbul imtahanlarında Azərbaycan bölməsi, II qrup, B variantı üzrə iştirak edib.
Riyaziyyat, coğrafiya və tarix fənlərinin hər birindən maksimum nəticə əldə edərək ən yüksək göstəriciyə - 400 bal qazanmağa nail olub. Bir daha xatırladırıq ki, bu göstərici ilə Qorxmaz Səfərov 2019-cu ildə II ixtisas qrupu üzrə yeganə abituriyentdir.
Qorxmaz 14 aprel 2019-cu ildə iştirak etdiyi buraxılış imtahanında da xeyli yüksək – 274.6 bal toplayıb. Beləliklə, o, ixtisas seçiminə olduqca əlverişli bir göstərici olan 674.6 balla gedir.
Bu nailiyyətə qovuşduğu üçün Allaha şükranlığını, valideynlərinə və müəllimlərinə minnətdarlığını dilə gətirən Qorxmaz, imtahanlara hazırlıq dövründə çox da ciddi məhdudiyyətlər yaşamadığını deyib:
"Dərslərə, hazırlıqlara olduqca ciddi, məsuliyyətlə yanaşırdım. Sınaqlarda da yüksək nəticə göstərirdim. Ona görə də valideynlərim məni bəzi əyləncələrimdən məhrum etməyə ehtiyac görmürdülər. Xüsusən də atam orta məktəbin son siniflərinin çox maraqlı bir dövr olduğunu və onları yaddaqalan keçirməyin vacibliyini deyirdi. Gün ərzində vaxtımın bir hissəsini də boş zamanı olan yoldaşlarımla gəzintilərə, söhbətlərə sərf edirdim. Həftədə bir-iki dəfə yığışıb futbol oynayırdıq. Doğma klubumuz olan "Qarabağ”ın oyunlarına hərdən stadionda, bəzən də evdə baxırdım. Çempionlar Liqasının bütün vacib oyunlarını, maraqlı gələn verilişləri izləyirdim. Yaşıdlarımdan bir çoxunun imtahanlra hazırlaşanda bütün bunlardan məhrum olduğunu eşitmişəm. Mən isə imtahanlar ərəfəsində də əyləncələrimdən qalmırdım”.
Qorxmaz Səfərov iqtisadiyyat-maliyyə üzrə ali təhsil almaq istəyir. Buna görə də UNEC-in – Azərbaycan Dövlət İqtisad Universitetinin tələbəsi olmaq arzusundadır. Ona bu istəyinə çataraq, gələcək həyat və fəaliyyət yolunda daha böyük uğurlara imza atmasını arzulayırıq.
Qeyd edək ki, Qorxmaz Səfərov tanınmış redaktor, ədəbiyyatşünas və tərcüməçi Seyfəddin Hüseynlinin oğludur. Qorxmazın böyük qardaşı Yılmaz Səfərov isə ötən il 642 balla Bakı Dövlət Universitetinin Hüquq fakültəsinə daxil olmuşdu.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar