.png)
Xəbər lenti
250 Azərbaycan vətəndaşının oxuduğu Universitet bağlandı
Tbilisidə fəaliyyət göstərən özəl Gürcüstan-Avropa Universitetinin akkreditasiyası ləğv olunub.
Manevr.az report-a istinadən xəbər verir ki, ali məktəbin avtorizasiyadan keçmək üçün son tarix bu ilin avqustunda başa çatsa da, universitetdə tədris prosesi mart ayının 4-dən etibarən dayandırılıb.
Tələbələr ali məktəbin akkreditasiyasının ləğv olunmasına etiraz edirlər. Bununla bağlı tələbə özünüidarəetmə qurumunun üzvləri mətbuat konfransı keçiriblər. Onlar universitetdə tədris prosesinin bərpasını tələb ediblər.
Bildirilib ki, 2013-cü ildə təsis olunan Gürcüstan-Avropa Universitetində hazırda 500-ə yaxın tələbə təhsil alır. Onların təqribən 250-si Azərbaycan vətəndaşıdır.
Tələbə özünüidarəetmə qurumunun üzvləri məsələ ilə bağlı Gürcüstanın Təhsil, Elm, Mədəniyyət və İdman Nazirliyində görüş keçiriblər. Gələn həftə ali məktəb nümayəndələrinin parlamentin Təhsil, elm və mədəniyyət komitəsinin üzvləri ilə görüşəcəyi gözlənilir.
Gürcüstan-Avropa Universitetinin tələbələri qeyd ediblər ki, ali məktəbin akkreditasiyasının bərpa olunması istiqamətində hüquqi müstəvidə mübarizəni davam etdirəcəklər.
Qeyd edək ki, hazırda Gürcüstanda ali təhsil alan Azərbaycan vətəndaşlarının sayı 2 124 nəfər təşkil edir. Onların 470-i dövlət, 1 654-ü isə özəl universitetlərdə təhsil alır.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar