.jpg)
Xəbər lenti
Müəllimlər üçün esse müsabiqəsi başladı
“Ədibin evi” Ədəbiyyata Dəstək Fondunun təşkilati dəstəyi və təşəbbüsü ilə “Azərbaycan müəllimi” qəzetinin 90 illik yubileyi münasibətilə “Müəllimliyin insanlıq fəlsəfəsi” adlı esse müsabiqəsinə start verilir.
Manevr.az xəbər verir ki, Azərbaycan ədəbiyyatının görkəmli nümayəndəsi, yazıçı, müəllim, filologiya elmləri doktoru Mir Cəlal Paşayevin pedaqoji irsinə həsr olunmuş müsabiqənin məqsədi müəllimlik üçün zəruri olan keyfiyyətlər – pedaqoji etika, empatiya və şəfqət duyğularının əhəmiyyətinin təbliği, müxtəliflik və inklüzivliyin, eləcə də peşəkar pedaqoji icma arasında tənqidi və yaradıcı düşüncə tərzinin təşviqidir.
Təhsilin istənilən pilləsində 2 il pedaqoji təcrübəyə malik olan müəllimlər müsabiqədə iştiraka dəvət olunurlar.
Müsabiqəyə ədəbi dilin bədii, elmi və ya publisistik üslublarından biri üzrə müəllimin öz peşəsinə baxışına dair istənilən mövzuda, yalnız Azərbaycan dilində yazılmış esselər qəbul ediləcək.
Müsabiqənin mükafat fondu 10 000 (on min) manat dəyərindədir:
I yer (bir nəfər) – 3 000 AZN
II yer (iki nəfər) – 2 000 AZN
III yer (üç nəfər) – 1 000 AZN
Müsabiqədə qiymətləndiriləcək esselərə dair tələblər və qiymətləndirmə meyarları ilə buradan tanış ola bilərsiniz. Müsabiqəyə təqdim edilən işlər tanınmış pedaqoq və təhsil mütəxəssislərindən ibarət münsiflər heyəti tərəfindən qiymətləndiriləcək.
28 sentyabrdan start veriləcək müsabiqəyə esselərin qəbulu edibinevi@gmail.com elektron poçt ünvanı vasitəsilə 1 dekabr 2024-cü il tarixinədək davam edəcək.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
.jpg)
Şou-biznes
Yazarlar
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar