Fransanın Sorbonne Universitetinin məzunu olan həmyerlimiz fəlsəfə doktoru elmi dərəcəsi alıb

Fransanın Sorbonne Universitetinin məzunu, hazırda, Milli Aerokosmik Agentliyin Elmi-Tədqiqat Aerokosmik İnformatika İnstitutunun şöbə rəisi vəzifəsində çalışan Vüsal Hüseynov "Materiallar texnologiyası" ixtisasında Texnika elmləri elmi sahəsi üzrə fəlsəfə doktoru elmi dərəcəsini alıb. Elmi tədqiqat Fransanın Sorbonne Universitetində aparılıb.
 

Manevr.az bildirir ki, Elmi - Tədqiqat işi müdafiə və aviakosmik sənaye tətbiqi nəzərdə tutulan titan əsaslı ağıllı materialları istiqamətində olub. 38 nüfuzlu beynəlxalq və yerli elmi nəşrlərdə dərc olunmuş elmli əsərlərin müəllifidir. Bir neçə dərs vəsaitinin həmmüəllifidir Fransada yaşayıb fəaliyyət göstərdiyi dövürdə Azərbaycanın təbliği istiqamətində yüksək fəallıq göstərib. Hər zaman Azərbaycanı yüksək səviyyədə təbliğ etməyi qarşısına məqsəd qoyub. Bu istəyini isə Sorbonne Universitetində 3 il doktorant və disertantların prezidenti seçildiyi dövrdə belə özü üçün prioritet istiqamət kimi qəbul etmişdir.