"İDRAK" liseyi dünya məktəbi olaraq IB üzrə təhsil verən məktəb statusu qazanıb

Liseydən Manevr.az-a verilən məlumata görə, 10.01.2022  tarixindən namizəd məktəblər sırasında olan lisey artıq IB-nin internet səhifəsində PYP üzrə rəsmi akkreditasiyaya malik olan məktəb kimi göstəriləcək. 

İB təşkilatinın baş direktoru Olli-Pekka Heinonen tərəfindən liseyə göndərilən məktubda bildirilir: 

"İdrak liseyi IB Dünya Məktəbi statusuna malik olan qlobal məktəblər şəbəkəsinin bir üzvüdür. Bu məktəblər gələcəyini uğurla təmin edə biləcək, daha ahəngdar və firavan dünya yaratmağa töhfə verən bilikli, qayğıkeş gənclərin yetişdirilməsinə çalışır. Məktəbinizin idari heyətini, müəllimlərini, şagirdlərini və ailələrini PYP proqramının seçimində və tətbiqində fəal rollarına görə alqışlayırıq. PYP  üzrə təhsil alan şagirdlər məzun olduqdan sonra yerli, milli və bəlkə də beynəlxalq səviyyədə sosial, mədəni və iqtisadi mühitə müsbət mənada təsir göstərən fəaliyyətlər həyata keçirdikcə, bu seçimin müsbət nəticələri cəmiyyətinizdə aydın görünəcək", məktubda qeyd edilir.

Məlumat üçün deyək ki, Beynəlxalq Bakalavr Təşkilatı 1968-ci ildə İsveçrədə təsis edilib.  IB DP diplomunu almış hər bir şəxs dünyanın istənilən ölkəsində ali təhsil ala bilər.