Xəbər lenti
Professor Rafiq Əliyevin adına təqaüd təsis edildi
“Təhsilim və peşəkar həyatım boyunca çox önəmli elm adamları ilə tanış olub söhbət etmək şansı əldə etmişəm. Lakin bu yaxınlarda uşaqlıqdan bəri adını həmişə eşitdiyim, həsəd apardığım professor, Lütfi Zadə elmi irsi və qeyri-səlis məntiq nəzəriyyəsinin əvəzolunmazı Rafiq Əliyevlə tanışlıq məndə həyatım boyunca unuda bilməyəcəyim iz qoydu” – deyən Profity Academy-nin rəhbəri Vüsal Sültanlı bildirdi ki, onun təşəbbüsü ilə dünya çapında tanınmış alim, qeyri-səlis məntiq üzrə böyük mütəxəssis, professor Rafiq Əliyevin adına təqaüd təsis ediləcək. Bu təşəbbüslə əlaqədar alimlə görüşən V.Sultanlı öz təəssüratlarını bu cür bölüşüb:
“Professor Rafiq Əliyevin adına Elm və Texnologiya təqaüdü”nün icazəsini almaq üçün görüşürdüm. Otağına girmədən öncə assistenti və tələbəsi Nigar xanımla tanışlıq belə artıq mənə 5 dəqiqə sonra necə böyük bir şəxsiyyətin qarşısına çıxacağım barəsində müəyyən dərəcədə hisslər ötürə bilmişdi.
Otağına girər-girməz hər tərəfin qalaq-qalaq kağızlar və kitablardan ibarət olması artıq bir alimin bir gəncə ötürə biləcəyi böyük bir mirasın incə göstəricisi idi. Sanki hər tərəfdən fuzzylogic axırdı. Təxminən 35 dəqiqə çəkən görüşümüzdə Rafiq müəllim mənə Lütfi Zadə, Əhməd Ağaoğlu, Hüseyn Cavid, Ramiz Rövşən və s. bir neçə dahi şəxs haqqında heç vaxt eşitmədiyim məlumatlar qazandırdı.
İlk qənaətim o oldu ki, görəsən biz, nə qədər böyük bir dahiyə sahib olduğumuzun yetərincə fərqindəyikmi?
Ümid edirəm, Lütfi Zadə və Rafiq Əliyevin ən böyük parçası olduğu artificialintelligence və softcomputing elmi irsi üçün təsis edəcəyimiz təqaüd gənclərə təhsili əlçatan etmək yolunda az da olsa dəstək ola biləcək”.
Professor R.Əliyev də öz növbəsində bu təşəbbüsü müsbət qarşılayıb və təşkilatçılara öz təşəkkürünü bildirib. Təqaüd proqramının detalları barədə ətraflı məlumat veriləcək.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
Emil Rasimoğlu
Emil Rasimoğlu
Fərasət Babazadə
İttifaq MİRZƏBƏYLİ
Emil Rasimoğlu
Sevinc QƏRİB
Sorğu
Portalımızı dəyərləndirin.
Çox oxunanlar