_99.jpg)
Xəbər lenti
Bu gündən şagird yerdəyişməsinə start verildi
Bu gündən 2023-2024-cü tədris ili üzrə şagird yerdəyişməsinə start verilir.Bu barədə Elm və Təhsil Nazirliyi məlumat yayıb.
Bildirilib ki, yerdəyişmə proses sy.edu.az elektron sistemi üzərindən həyata keçirilir.
Yerdəyişmə II-IX və XI siniflər üçün avqustun 7-si saat 15:00, X siniflər üçün isə avqustun 14-ü saat 15:00-dan aktivləşdiriləcək.
Valideynlər üçün elektron sistemdə ümumi təhsil müəssisələrinə sorğu yerləşdirmə prosesi avqustun 31-i saat 18:00-a qədər davam edəcək. Onlar sentyabrın 5-i saat 15:00-a qədər övladlarının sənədlərini yerdəyişmə etdikləri ümumi təhsil müəssisəsinə təqdim etməlidirlər.
Qeyd edək ki, aşağıda adları qeyd olunmuş ümumi təhsil müəssisələrinin II-IX siniflərində yaranmış vakant yerlərə şagird yerdəyişməsi imtahanla aparılır. İmtahana qeydiyyat sy.edu.az elektron sistemi vasitəsilə aparılacaq. Qeydiyyat avqustun 7-si saat 15:00-dan avqustun 14-ü saat 18:00-a qədər aktiv olacaq. İmtahanlar ibtidai siniflər üzrə avqustun 17-si, V-IX siniflər üzrə isə avqustun 18-i tarixində keçiriləcək.
İmtahanla yerdəyişmə aparılan ümumi təhsil müəssisələrinin siyahısı:
- Heydər Əliyev adına lisey
- T.İsmayılov adına 6 nömrəli məktəb-lisey
- 132-134 nömrəli təhsil kompleksi
- T.Həsənov adına 23 nömrəli tam orta məktəb
- İlyas Əfəndiyev adına Elitar gimnaziya
- İ.Hacıyev adına “Tərəqqi” texniki-humanitar liseyi
- Zəngi liseyi
- Bakı Avropa Liseyi
- “Ankara məktəbi” məktəb-lisey
- Bakı Slavyan Universitetinin nəzdində məktəb-lisey kompleksi
- Bülbül adına orta ixtisas musiqi məktəbi
- Humanitar fənlər təmayüllü məktəb-lisey.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Kriminal
Şou-biznes
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar