Məktəbdə şagird döyüldü - DİN hərəkətə keçdi

Bakıda məktəbdə şagirdin digər şagird tərəfindən döyülməsi faktı ilə bağlı polis araşdırmalara başlayıb.
 
Manevr.az xəbər verir ki, bunu Daxili İşlər Nazirliyinin (DİN) Mətbuat Xidmətinin bölmə rəisi Zeyni Hüseynov bildirib.
 
O deyib ki, nazirlik görüntülərdən məlumatlıdır, hazırda araşdırmalar davam edir:
"Araşdırmanın nəticəsinə uyğun olaraq məsələyə hüquqi qiymət veriləcək".
 
Qeyd edək ki, sosial şəbəkədə orta məktəbin sinif otağında şagirdin digər şagird tərəfindən döyülməsı ilə bağlı videogörüntülər yayılıb. Hadisənin Bakıda 112 saylı orta məktəbdə baş verdiyi bildirilir. (report)