.png)
Xəbər lenti
50 bal nəticə göstərən müəllimlərdən NARAZILIQ: "Biz çox məyus olmuşuq"
Bildiyiniz kimi, dövlət ümumi təhsil müəssisələrində çalışan təhsilverənlərin sertifikatlaşdırılması prosesinin test imtahanı mərhələsi keçirilib.Sertifikatlaşdırma prosesinə ümumi təhsil müəssisələrində çalışan ibtidai sinif müəllimləri cəlb edilib. Test imtahanı mərhələsində 120 dəqiqə müddətində təhsilverənlərin tədris etdiyi fənn üzrə ümumtəhsil proqramlarına, tədris metodikasına və təlim strategiyalarına aid 60 sual təqdim edilib. Test imtahanında azı 30 bal toplamış təhsilverənlər sertifikatlaşdırmanın müsahibə mərhələsinə keçmək hüququ qazanacaq.
Qeyd edək ki, Nazirlər Kabinetinin müvafiq qərarına əsasən, sertifikatlaşdırmanın nəticəsinə uyğun olaraq tədris edilən dərs saatına görə test imtahanı mərhələsində 50 baldan yuxarı nəticə göstərən müəllimlərin vəzifə maaşına 35 faiz, keçid balını toplayan müəllimlərin vəzifə maaşına isə 10 faiz aylıq əlavələr edilməsi nəzərdə tutulmuşdur. Ancaq sonradan bəzi suallar və narazılıqlar ortaya çıxıb. Redaksiyamıza 50 bal toplayan bir qrup müəllim məktubla müraciət edib. Onlar 50 baldan yuxarı nəticə göstərən müəllimlərin vəzifə maaşına 35 faiz, keçid balını toplayan müəllimlərin vəzifə maaşına isə 10 faiz aylıq əlavələrdən kənarda qaldıqlarını bildirirlər.
Onlar Azərbaycan Respublikasının Prezidenti cənab İlham Əliyevə, Birinci vitse-prezident Mehriban xanım Əliyevaya, Baş Nazir Əli Əsədova, Elm və Təhsil Naziri Emin Əmrullayevə və Təhsil İnstitutunun nəzdində İnsan Resursları Mərkəzinin direktoru Nurlan İsmayılbəyliyə müraciət edərək, kömək istəyirlər. Müraciətdə deyilir: "Biz 50 bal toplayan müəllimlər çox məyus olmuşuq. Cunki keçid balları yuvarlaq müsahibə üçün 20, imtahan üçün 30 yuvarlaq ədəd götürüldüyü halda, 10 faizdən 35 faizə keçid balı 50 yox 51 bal göturulub. Bu hal bizi motivasiyadan salıb. Brifinqdə nazir Emin Əmurullayev də 50 balın yüksək bal olduğunu və 50 bal toplayan müəllimlərin vəzifə maaşlarına 35 faiz əlavə ediləcəyini vurğulamışdı", deyə qeyd ediblər.
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar