Dövlət İmtahan Mərkəzi rezidenturaya qəbul olmaq üçün müsabiqə şərtini ödəmiş, lakin əsas yerləşdirmə zamanı hər hansı ixtisasa qəbul ola bilməyən, eləcə də Tibb Universitetinin hərbi tibb fakültəsini bitirmiş namizədlərə müraciət edib.
Mərkəzdən bildirilib ki, sentyabrın 15-i saat 15:00-dan 19 sentyabr 2022-ci il saat 23:59-dək rezidenturaya boş qalan plan yerlərinə və Azərbaycan Tibb Universitetinin Hərbi tibb fakültəsi üçün nəzərdə tutulmuş plan yerlərinə ixtisas seçimi elan edilir.
Qeyd edək ki, 2022/2023-cü tədris ili üçün rezidenturaya qəbul planı ümumilikdə 437 (Azərbaycan Tibb Universitetinin Hərbi tibb fakültəsi üçün nəzərdə tutulmuş plan yerləri istisna olmaqla) yerdən ibarət olub.
Artıq əsas yerləşdirmədən sonra qəbul olanların qeydiyyatı başa çatıb. Rezidenturaya qəbul olmuş namizədlərdən 13 nəfəri müəyyən olunmuş müddətdə qeydiyyatdan keçmədiyi üçün bu onların yerləşdirildiyi ixtisas üzrə təhsil almaqdan imtina etməsi kimi qiymətləndirilib (bu namizədlər boş qalan yerlər üzrə keçirilən müsabiqəyə buraxılmırlar).
Boş qalan plan yerlərinə qəbul üçün ixtisas seçimi qəbul qaydalarının 4.1-ci və 4.2-ci bəndləri (bax: “Rezidentura” jurnalı №1, 2022, səh.3) nəzərə alınmaqla onlayn qaydada həyata keçirilir və həmin yerlərə müsabiqə yolu ilə yerləşdirmə aparılır.
Müsabiqədə iştirak etmək istəyən namizədlər //eservices.dim.gov.az/erizerez/ixtisas2/ ünvanından ixtisas seçimi edə bilərlər.
Aşağıda boş qalan plan yerləri təqdim olunur.
2022/2023-cü TӘDRİS İLİ ÜÇÜN REZİDENTURANIN BOŞ QALAN YERLӘRİNƏ QƏBUL APARILAN İXTİSASLAR

Azərbaycan Tibb Universiteti
311114	Anesteziologiya-reanimatologiya	3
311122	Ümumi cərrahiyyə	1
311244	Psixiatriya	1
311252	Nevrologiya	1
311325	Dermatovenerologiya	1
311366	Narkologiya	1
311439	Ailə təbabəti	1
Naxçıvan Dövlət Universiteti
361173	Psixiatriya	1
361221	Nefrologiya	1
361287	Patoloji anatomiya, məhkəmə tibbi ekspertiza	1
361376	Laboratoriya işi	1

QEYD 1. * - işarəsi qoyulmuş ixtisaslara müsabiqə “Rezidentura üzrə ixtisas seçimi cədvəli”nə (bax: “Rezidentura” jurnalı №3, 2022, səh.4-7) müvafiq olaraq aparılır.
QEYD 2. Digər ixtisaslar üzrə plan yerləri tam dolmuşdur.
Bu müddət ərzində həm də Azərbaycan Tibb Universitetinin Hərbi tibb fakültəsinin məzunları üçün
//eservices.dim.gov.az/erizerez/ixtisas2/ ünvanından aşağıda göstərilən plan yerləri üzrə ixtisas seçimi aparılır.

Azərbaycan Tibb Universiteti Hərbi tibb fakültəsi (Azərbaycan Respublikasının Müdafiə Nazirliyi sistemi üçün)
358111	Anesteziologiya-reanimatologiya	5
358128	Ümumi cərrahiyyə	4
358136	Neyrocərrahiyyə	1
358144	Ürək- damar cərrahiyyəsi	1
358152	Travmatologiya- ortopediya	2
358169	Oftalmologiya	1
358177	Psixiatriya	2
358185	Daxili xəstəliklər	2
358193	Dermatovenerologiya	1
358217	Şüa diaqnostikası	2
358225	Yoluxucu xəstəliklər	1
358233	Sosial gigiyena və səhiyyənin təşkili	2
358241	Patoloji anatomiya, məhkəmə tibbi ekspertiza	1