.png)
Xəbər lenti
Etibarnamə ilə avtomobil alanların NƏZƏRİNƏ! - 6 ay müddətində...
Dövrümüzün ən ehtiyac duyulan, həyatımızı asanlaşdıran vasitələrdən biri də minik avtomobilləridir. Artıq qadın, kişi fərq etmədən hər kəs şəxsi avtomobil almaq həvəsindədir. Son zamanlar, vətəndaşlar tərəfindən avtomobilin universal (“generalnı davernus”) və ya baş etibarnamə adlanan etibarnamə ilə alınmasından yaranan problemlərlə qarşılaşırıq. Vətəndaşlar avtomobil alış satışında alqı-satğı müqaviləsi bağlamaqdan çəkinərək, işlərini daha asan olan etibarnaməyə etibar edirlər.Mövcud praktikada bir çoxları avtomobili etibarnamə ilə idarə edir. Yəni başqa bir şəxsdən avtomobil alır, amma onu öz adına keçirtmək əvəzinə avtomobili "generalnı" deyilən etibarnamə ilə idarə edir.
Bəs etibarnamə ilə adına avtomobil alınan şəxs vəfat etdikdə həmin maşının aqibəti necə olur?
Bu barədə Baş Dövlət Yol Polis İdarəsinin inspektoru, polis leytenantı Elvin Hacıyev bildirib ki, avtomobil sahibi vəfat etdikdə etibarnamə qüvvədən düşür:
“Nəqliyyat vasitəsinin sahibi, yəni qeydiyyat şəhadətnaməsinin sahibi rəhmətə getdikdə kimə ki, etibarnamə və ya baş etibarnamə verib, o qüvvədən düşür. Burada məsələ ondadır ki, həmin zaman vərəsəlik açılır, 6 ay tamam olduqdan sonra vərəsəlik sənədi ilə nəqliyyat vasitəsi qeydiyyat şəhadətnaməsinin sahibinin yoldaşı varsa, onun adına yoxdursa, oğlu və ya qızının adına keçir. Ondan sonra həmin adamlar sizə etibarnamə verə bilər və ya adınıza keçirə bilər”.
DYP rəsmisi əlavə edib ki, mütləq şəkildə altı ay tamam olmalıdır, həmin müddətdən sonra nəqliyyat vəsitəsi həyat yoldaşına və ya ailənin digər üzvlərinə verilir.
Hüquqşünas Turan Abdullazadə isə bildirib ki, verilmiş etibarnaməyə bir neçə hallarda xitam verilə bilər:
“Azərbaycan Respublikası Mülki Məcəlləsinin 365-ci maddəsinə əsasən, etibarnamənin qüvvəsinə bir neçə hallarda xitam verilir. Etibarnamənin müddətinin bitməsi, etibarnamədə nəzərdə tutulan hərəkətlərin həyata keçirilməsi, etibarnaməni vermiş şəxs tərəfindən onun ləğv edilməsi, etibarnamə verilmiş şəxsin imtinası, adından etibarnamə verilmiş hüquqi şəxsə xitam verilməsi, adına etibarnamə verilmiş hüquqi şəxsə xitam verilməsi, etibarnaməni vermiş fiziki şəxsin ölməsi, fəaliyyət qabiliyyəti olmayan, məhdud fəaliyyət qabiliyyətli və ya xəbərsiz itkin düşmüş sayılması və etibarnamə verilmiş fiziki şəxsin ölməsi, fəaliyyət qabiliyyəti olmayan, məhdud fəaliyyət qabiliyyətli və ya xəbərsiz itkin düşmüş sayılması”. referans.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Şou-biznes
Yazarlar
Sevinc QƏRİB
KƏRAMƏT
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Sorğu
Portalımızı dəyərləndirin.
Çox oxunanlar