Ürək tutması riskini azaldan giləmeyvə

Manevr.az xəbər verir ki, bu barədə "Health" nəşrinin ekspertləri məlumat veriblər.
Mütəxəssislərin sözlərinə görə, çiyələkdə bol miqdarda olan antioksidantlar ürək sağlamlığı üçün xüsusilə faydalıdır. Xüsusilə antosianlar ürək tutması riskini azaltmağa kömək edir. Bundan əlavə, bu maddələr xərçəng hüceyrələrinin yaranma ehtimalını azaldır və onkoloji xəstələrdə onların orqanizmdə yayılmasının qarşısını almağa kömək edir.
Ekspertlər çiyələyin immunitet sisteminə də müsbət təsir göstərdiyini bildiriblər. Belə ki, bir fincan çiyələk insanın gündəlik C vitamini tələbatını ödəyə bilir. C vitamini isə viruslar, bakteriyalar və hətta xərçəng hüceyrələri ilə mübarizədə mühüm rol oynayan leykositlərin yaranmasını dəstəkləyir.
Mütəxəssislər çiyələyi kağız salfetlə örtülmüş, hava keçirməyən qabda saxlamağı və yalnız istifadə etməzdən əvvəl yumağı tövsiyə ediblər. Onların sözlərinə görə, giləmeyvənin üzərindəki artıq nəmlik kif yaranmasına səbəb ola bilər.