Ürək sağlamlığı üçün ən faydalı məhsul açıqlandı

Manevr.az xəbər verir ki, mütəxəssis ürək-damar xəstəliklərinin profilaktikası üçün ən faydalı olan bu məhsulun özəlliklərini açıqlayıb.
O qeyd edib ki, çuğundurun əsas dəyəri onun zəngin tərkibindədir:
“Bu tərəvəz orqanizmdə damar tonusunu tənzimləyən azot-oksidinə çevrilən təbii nitratlarla zəngindir. Bundan əlavə, çuğundurun tərkibində iltihab proseslərini azaldan antosianin və betasianin antioksidantları, həmçinin elektrolit balansını və ürək-damar sisteminin normal fəaliyyətini təmin edən kalium və maqnezium mövcuddur”.
Həkimin sözlərinə görə, klinik araşdırmalar çuğundurun müntəzəm qəbulunun arterial təzyiqi aşağı saldığını, damarların funksiyasını yaxşılaşdırdığını və iltihabın dərəcəsini azaltdığını sübut edib.
Bununla belə, kardioloq vurğulayıb ki, sübut olunmuş faydalarına baxmayaraq, insanlar çuğundura hələ də ürək xəstəliklərinin qarşısını alan mühüm vasitə kimi baxmırlar.
Onun fikrincə, bu, tərəvəzin tərkibindəki nitratlarla bağlı yaranan qorxulardan irəli gəlir.
Lakin həkim arxayın edib ki, normasında (mülayim) istehlak edildikdə çuğundurdakı nitratlar sağlamlıq üçün heç bir təhlükə yaratmır.