Xəbər lenti
Ağ çörək sağlamlığa necə təsir edir? - Diyetoloqlar açıqladı
Bir çox insan səhər yeməyini və ya şam yeməyini ağ çörəksiz təsəvvür etmir. Bəs o, həqiqətən sağlamlıq baxımından yaxşı seçimdirmi?
Manevr.az qaynarinfo-ya istinadən xəbər verir ki, "Kobieta" nəşrinin yazdığına görə, bu mövzuda mübahisələrin olması təsadüfi deyil. Ağ çörək dadına və əlçatanlığına görə tez-tez seçilir, lakin onun sağlamlığa təsiri barədə hamı məlumatlı deyil.
Xüsusilə, tam taxıllı çörəklə müqayisədə ağ çörək qanda şəkərin səviyyəsini daha sürətlə artırır. Bu isə enerjidə kəskin dalğalanmalara və daha tez acıxma hissinə səbəb olur. Lakin məsələ bununla bitmir.
Ağ çörəyin sağlamlığa təsiri
Ağ çörəyin əsas mənfi cəhəti onun aşağı qida dəyəridir. O, yüksək dərəcədə rafinə olunmuş undan hazırlanır və bu səbəbdən bir çox faydalı maddələrdən məhrumdur. Rafinasiya prosesi zamanı kəpək və rüşeym hissələri çıxarılır ki, bunlar lifin, B qrupu vitaminlərinin və maqnezium, dəmir kimi mineralların əsas mənbəyidir. Nəticədə orqanizmə real fayda verməyən "boş kalorilər” əldə olunur.
"Lifin olmaması o deməkdir ki, çörək demək olar dərhal həzm olunur, qanda şəkəri sürətlə artırır və eyni sürətlə aşağı salır. Bu isə enerjinin azalmasına, güclü aclıq hissinə və gözləniləndən daha tez acıxmaya gətirib çıxarır”, deyə diyetoloq Koko Pyerrel bildirib.
Bununla belə, ağ çörəyin təsiri hər kəsdə eyni olmaya bilər. "Bir çox sağlam insan üçün bu artım müvəqqəti və əhəmiyyətsiz olur”, deyə diyetoloq Maykl Mikelis qeyd edib.
Ağ çörəkdən tam imtina etmək lazım deyil
Yuxarıda deyilənlər ağ çörəyin rasiondan tam çıxarılmalı olduğu anlamına gəlmir. "Bəzi insanlar ağ çörəyi tam taxıllı çörəkdən daha çox sevir, lakin onu lif ehtiyacını qarşılamaq üçün salatlarla birlikdə istehlak etmək daha məqsədəuyğundur”, – deyə dietoloq Valeri Kallen tövsiyə edib.
Beləliklə, ağ çörək ölçülü şəkildə istehlak edildikdə rasionda qala bilər, lakin balanslı qidalanma üçün digər faydalı məhsullarla birlikdə qəbul olunması vacibdir.
Xəbəri paylaş
Çox oxunanlar
Son yüklənənlər
Axtarış
Reklam
İqtisadiyyat
Ədəbiyyat
Şou-biznes
Yazarlar
-Afət Möhbalı
Emil Rasimoğlu
İlqar İlkin
Emil Rasimoğlu
İlqar İlkin
Sorğu
Portalımızı dəyərləndirin.
Çox oxunanlar