_99.jpg)
Xəbər lenti
71 il birlikdə yaşayan cütlük eyni gündə vəfat etdi
ABŞ-ın Corciya ştatının Oqasta şəhərindən olan ər-arvad 71 il birlikdə yaşadıqdan sonra eyni gündə, arada 12 saat fərq olmaqla vəfat edib.
94 yaşlı Gerbert Deleyql cümə günü gecə 02:20 radələrində, həyat yoldaşı Frensis isə düz 12 saat sonra, günorta 14:20 radələrində həyatdan köçüb.
Ötən il cütlük nikahlarının 70 illiyini qeyd ediblər və yerli televiziya ailəni bu münasibətlə təbrik edərək onlara veriliş həsr edib. Tanış olanda Gerbertin 22, Frensisin isə 16 yaşı olub.
“Frensis “White Way Cafe” adlı kafedə işləyirdi. Onu görəndə gözlərimi çəkə bilmirdim. Sonra özümü topladım və ondan görüş üçün icazə aldım. Frensis mənimlə kinoya getməyə razılıq verdi”, - deyə Gerbert 2018-ci ildəki müsahibəsində qeyd edib.
Tanışlıqdan bir il sonra Gerbert Frensisə evlənmə təklifi edib. Amma cütlüyün toyu istədikləri kimi baş tutmayıb. Gerbert və Frensis kilsəyə çox gec gediblər və rahibin işi çox olduğuna görə onları qəbul edə bilməyib. Bununla belə, cütlük keşişi nikahı kəsməyə razı sala bilib.
Frensisin sözlərin görə, ərinin yumor hissi onun çox xoşuna gəlirmiş. Gerbert 93 yaşı olmasına baxmayaraq, zarafat edir və arvadını güldürürmüş.
Həkimlərin dediyinə görə, Frensis Gerbertin ölümünə dözmədiyi üçün həyata gözlərini yumub. Belə hallar bir-birini çox sevən cütlüklərdə müşahidə edilir:
“Bu zaman orqanizm həddən artıq stres hormonu ifraz edir və bu, qana düşür, bütün bədənə yayılaraq insanı öldürür”.oxu.az
Manevr.az
Xəbəri paylaş
Çox oxunanlar
Son yüklənənlər
Axtarış
Reklam
Ədəbiyyat
Yazarlar
KƏRAMƏT
Emil Rasimoğlu
KƏRAMƏT
Aydın Canıyev
Aydan Ay
Emil Rasimoğlu
Sorğu
Portalımızı dəyərləndirin.
Çox oxunanlar