İsrail ordusunun Qəzza zolağının cənubundakı Rəfah şəhərində həyata keçirdiyi hücumlarda 13 fələstinli həyatını itirib, aralarında mətbuat mənsublarının da olduğu çox sayda insan yaralanıb.
İsrail ordusu Beynəlxalq Ədalət Məhkəməsinin (ICJ) hücumları dayandırmaq qərarına baxmayaraq, Rəfahı bombalamağa davam edir.

Manevr.az xarici mediaya istinadən xəbər verir ki, yerli mənbələrdən alınan məlumata görə, İsrail hərbi maşınları səhər saatlarında geri çəkildiyi Rəfahın qərbindəki Əl-Şaquş bölgəsinə yenidən daxil olub.
Zirehli texnikanın daxil olması ilə eyni vaxtda bölgəyə pilotsuz uçuş aparatları (PUA) və artilleriya atəşi ilə intensiv hücumlar həyata keçirilib.
Hücumlarda 13 fələstinli həyatını itirərkən, aralarında mətbuat mənsublarının da olduğu çox sayda insan yaralanıb.
Hücumlarda mülki yaşayış məntəqələri və köçkün fələstinlilərin çadırlarının hədəf alındığı bildirilib.

Dünən Rəfahın qərbindəki Şakuş bölgəsinə daxil olan və itkilərlə nəticələnən köçkünlərin çadır və istixanalarını hədəf alan İsrail zirehli texnikası bu gün səhər saatlarında bölgədən geri çəkilib.

İsrailin hücumları nəticəsində bir çox insan bölgədən köç etmək məcburiyyətində qalıb.
Qəzzada Fələstin Səhiyyə Nazirliyi tərəfindən edilən yazılı açıqlamada İsrailin Qəzza zolağına 267 gündür hücumları ilə bağlı məlumat verilib.

İsrail ordusunun son 48 saatda Qəzzanın müxtəlif bölgələrində 7 "qırğın" həyata keçirdiyi və bu hücumlarda daha 69 fələstinlinin həyatını itirdiyi, 429 nəfərin isə yaralandığı bildirilib.
Qeyd olunub ki, İsrailin 7 oktyabr 2023-cü ildən etibarən Qəzza zolağına təşkil etdiyi hücumlarda ölənlərin sayı 37 min 834, yaralıların sayı isə 86 min 858-ə yüksəlib.
Bəyanatda dağıntılar altında və yol kənarında hələ də cəsədlərin olduğu, lakin İsrailin maneələri üzündən tibb qrupları və mülki müdafiə səlahiyyətlilərinin cəsədlərə çata bilmədiyi də təkrarlanıb.
Husam Əbu Səfiyə beynəlxalq təşkilatlar və Birləşmiş Millətlər Təşkilatını (BMT) xəstəxanaya tez bir zamanda yanacaq, dərman və tibbi ləvazimat çatdırmağa çağırıb.

Birləşmiş Millətlər Təşkilatının Uşaq Fondu (UNICEF) iyunun 6-da Qəzzada hər 10 uşaqdan 9-nun ciddi qida qıtlığı ilə mübarizə apardığını və qida çatışmazlığının həyati təhlükə riskini artırdığını açıqlayıb.

Hökumətin Qəzzadakı mətbuat ofisi tərəfindən dünən verilən açıqlamada, indiyədək 33 fələstinlinin aclıqdan öldüyü bildirilib.

Bildirilib ki, Qəzzada 625 mindən çox uşaq 8 aydan artıqdır ki, məktəbə gedə bilmir və onlardan 300 mini keçmiş UNRWA tələbələri olub. Vurğulanıb ki, UNRWA əməkdaşları tərəfindən həyata keçirilən maarifləndirici tədbirlər uşaqların məktəbə qayıtmağa hazırlanmasında mühüm əhəmiyyət kəsb edir.

Pentaqon əlverişsiz hava şəraitini əsas gətirərək Qəzzada qurulan müvəqqəti limanı bir daha sökdüyünü və yerə enən yardım materiallarının Qəzza xalqına çatdırıla bilmədiyi üçün anbar sahəsinin dolmaq üzrə olduğunu açıqlayıb.

Sevda
Manevr.az